Qyzylorda oblysynyń Jalaǵash aýdanynda brakonerdiń sońyna túsken qoryqshy Ádil Kenjeǵulov mert boldy, dep habarlaidy QazAqparat.
Oqiǵa 25 qazan kúni túnde bolǵan jáne qashqan brakonerdiń sońyna túsken inspektordyń kóligi aýdarylǵan.
«Bizdiń inspektorlar túngi ýaqytta dalada kúmándi avtokólikti baiqaǵan. Onyń artynan qýǵanda belgisiz avtojúrgizýshi qashqan. Sol sátte inspektordyń kóligi aýdarylyp, alǵan jaraqattan ol mert boldy», - dep túsindirdi QR Ekologiia, geologiia jáne tabiǵi resýrstar ministrligi Orman sharýashylyǵy jáne janýarlar álemi komiteti Janýarlar álemi jáne ań sharýashylyǵy basqarmasynyń basshysy Aitýar Týǵanbekov elordada ótken brifingte.
Onyń aitýynsha, brakonerler inspektorǵa oq atpaǵan.
«Olar oqiǵa ornynda ustaldy jáne jergilikti turǵyndar bop shyqty. Kóliginen qarý men zańsyz atylǵan jabaiy ańnyń ushasy tabyldy. Ministrlik atynan marqumnyń týystaryna kóńil aitamyn. Onyń otbasyna 7,8 mln teńge materialdyq kómek kórsetildi. Is tergeýi aiaqtalǵan soń, saqtandyrý boiynsha taǵy 4 mln teńge tólenedi», - dedi A. Týǵanbekov.
Aita keteiik, Ádil Kenjeǵulov - jyl basynan beri tabiǵatty qorǵaýda mert bolǵan úshinshi qoryqshy.
