قىزىلوردا وبلىسىنىڭ جالاعاش اۋدانىندا براكونەردٸڭ سوڭىنا تٷسكەن قورىقشى ەدٸل كەنجەعۇلوۆ مەرت بولدى, دەپ حابارلايدى قازاقپارات.
وقيعا 25 قازان كٷنٸ تٷندە بولعان جەنە قاشقان براكونەردٸڭ سوڭىنا تٷسكەن ينسپەكتوردىڭ كٶلٸگٸ اۋدارىلعان.
«بٸزدٸڭ ينسپەكتورلار تٷنگٸ ۋاقىتتا دالادا كٷمەندٸ اۆتوكٶلٸكتٸ بايقاعان. ونىڭ ارتىنان قۋعاندا بەلگٸسٸز اۆتوجٷرگٸزۋشٸ قاشقان. سول سەتتە ينسپەكتوردىڭ كٶلٸگٸ اۋدارىلىپ, العان جاراقاتتان ول مەرت بولدى», - دەپ تٷسٸندٸردٸ قر ەكولوگييا, گەولوگييا جەنە تابيعي رەسۋرستار مينيسترلٸگٸ ورمان شارۋاشىلىعى جەنە جانۋارلار ەلەمٸ كوميتەتٸ جانۋارلار ەلەمٸ جەنە اڭ شارۋاشىلىعى باسقارماسىنىڭ باسشىسى ايتۋار تۋعانبەكوۆ ەلوردادا ٶتكەن بريفينگتە.
ونىڭ ايتۋىنشا, براكونەرلەر ينسپەكتورعا وق اتپاعان.
«ولار وقيعا ورنىندا ۇستالدى جەنە جەرگٸلٸكتٸ تۇرعىندار بوپ شىقتى. كٶلٸگٸنەن قارۋ مەن زاڭسىز اتىلعان جابايى اڭنىڭ ۇشاسى تابىلدى. مينيسترلٸك اتىنان مارقۇمنىڭ تۋىستارىنا كٶڭٸل ايتامىن. ونىڭ وتباسىنا 7,8 ملن تەڭگە ماتەريالدىق كٶمەك كٶرسەتٸلدٸ. ٸس تەرگەۋٸ اياقتالعان سوڭ, ساقتاندىرۋ بويىنشا تاعى 4 ملن تەڭگە تٶلەنەدٸ», - دەدٸ ا. تۋعانبەكوۆ.
ايتا كەتەيٸك, ەدٸل كەنجەعۇلوۆ - جىل باسىنان بەرٸ تابيعاتتى قورعاۋدا مەرت بولعان ٷشٸنشٸ قورىقشى.
