Foto: epravdacom.ua
Albaniia biligi TikTok áleýmettik jelisin paidalanýdy joq degende bir jylǵa shekteidi. Bul týraly eldiń premer-ministri Edi Rama málimdedi, dep habarlaidy Ult.kz inbusiness.kz-ke silteme jasap.
Bul shekteý 2025 jyldyń basynan bastap kúshine enedi.
"Biz ony bir jylǵa jabamyz, oqýshylardyń bilimine qyzmet etetin jáne ata-analarǵa balalarynyń damýyn baqylaýǵa kómektesetin baǵdarlamalardy engizýdi bastaimyz", – dedi Albaniia premer-ministri.
Áleýmettik jelini buǵattaý týraly sheshim mektepterdiń birinde bolǵan qaiǵyly oqiǵadan keiin qabyldandy. Qarasha aiynda 14 jasar oqýshy tóbeles kezinde qaza taýyp, taǵy bireýi túrli jaraqat aldy. Tergeý barysynda oqiǵanyń sebebi áleýmettik jelidegi janjal ekeni belgili boldy.
