Foto: Akorda.kz
Memleket basshysy Qasym-Jomart Toqaev Qazaqstanǵa «kásipkerlerdiń jańa tolqyny» kerek ekenin aitty, dep habarlaidy "Ult aqparat" Aqordanyń baspasóz qyzmetine silteme jasap.
«Naryqqa qatysýshylardyń bári batyl ári shuǵyl sharalar qabyldaýǵa tiis.
Memlekettiń qoldaýyna ie bolyp otyrǵan iri biznes ókilderi airyqsha ról atqarady. «Tabysty osy jerden taýyp, shetelde shashý» ádetinen arylý kerek. Esesine, eldegi áleýmettik máselelerdi sheshýge kóbirek úles qosýǵa umtylǵan jón.
Iri kásipkerler Qazaqstanda tapqan tabysyn basqa jaqta emes, óz elimizdegi biznesin damytýǵa jumsaǵany abzal. Jumysyn osy talapqa beiimdei alǵan iri kásipkerler naǵyz ulttyq biznes-elitaǵa ainalady. Halyqtyń qurmetine bólenip, memlekettiń qorǵaýy men qoldaýyna ie bolady.
Sonymen qatar bizge «kásipkerlerdiń jańa tolqyny» kerek. Memlekettiń resýrsyna arqa súiemei, boiyndaǵy daryny men iskerligi arqyly turaqty ári myqty kásip qura bilgen «tyń kúshter» qajet» - dedi Prezident elimizdiń áleýmettik-ekonomikalyq damý máseleleri jónindegi keńeitilgen keńeste.
