فوتو: Akorda.kz
مەملەكەت باسشىسى قاسىم-جومارت توقاەۆ قازاقستانعا «كەسٸپكەرلەردٸڭ جاڭا تولقىنى» كەرەك ەكەنٸن ايتتى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
«نارىققا قاتىسۋشىلاردىڭ بەرٸ باتىل ەرٸ شۇعىل شارالار قابىلداۋعا تيٸس.
مەملەكەتتٸڭ قولداۋىنا يە بولىپ وتىرعان ٸرٸ بيزنەس ٶكٸلدەرٸ ايرىقشا رٶل اتقارادى. «تابىستى وسى جەردەن تاۋىپ, شەتەلدە شاشۋ» ەدەتٸنەن ارىلۋ كەرەك. ەسەسٸنە, ەلدەگٸ ەلەۋمەتتٸك مەسەلەلەردٸ شەشۋگە كٶبٸرەك ٷلەس قوسۋعا ۇمتىلعان جٶن.
ٸرٸ كەسٸپكەرلەر قازاقستاندا تاپقان تابىسىن باسقا جاقتا ەمەس, ٶز ەلٸمٸزدەگٸ بيزنەسٸن دامىتۋعا جۇمساعانى ابزال. جۇمىسىن وسى تالاپقا بەيٸمدەي العان ٸرٸ كەسٸپكەرلەر ناعىز ۇلتتىق بيزنەس-ەليتاعا اينالادى. حالىقتىڭ قۇرمەتٸنە بٶلەنٸپ, مەملەكەتتٸڭ قورعاۋى مەن قولداۋىنا يە بولادى.
سونىمەن قاتار بٸزگە «كەسٸپكەرلەردٸڭ جاڭا تولقىنى» كەرەك. مەملەكەتتٸڭ رەسۋرسىنا ارقا سٷيەمەي, بويىنداعى دارىنى مەن ٸسكەرلٸگٸ ارقىلى تۇراقتى ەرٸ مىقتى كەسٸپ قۇرا بٸلگەن «تىڭ كٷشتەر» قاجەت» - دەدٸ پرەزيدەنت ەلٸمٸزدٸڭ ەلەۋمەتتٸك-ەكونوميكالىق دامۋ مەسەلەلەرٸ جٶنٸندەگٸ كەڭەيتٸلگەن كەڭەستە.
