Tabiǵi apattan zardap shekken Túrkistan oblysyndaǵy Qazyǵurt, Saryaǵash aýdandary men Kentaý qalasy turǵyndarynyń shyǵyny óteletin bolady. Arnaiy komissiia sheshimine sáikes oblystyq biýdjettiń rezervtik qorynan qarjy qaralyp, kómek kórsetiledi, dep habarlaidy QazAqparat.
Túrkistan oblysy ákiminiń baspasóz qyzmeti taratqan málimetke súiensek, qazirgi tańda, oblys ákiminiń tóraǵalyǵymen arnaiy qurylǵan komissiia shyǵyn kólemin eseptep jatyr.
Esep-qisap jumystary bitken soń, úi janýarlarynyń shyǵynyna erejege sáikes ótemaqy tólenedi, turǵyn úiler qaita qalpyna keltiriledi, ǵimarattar men turǵyn úilerdiń shatyry jóndeledi, sharýashylyq ǵimarattardy retteýge kómek kórsetiledi.
Aita keteiik, 24 sáýirde Túrkistan oblysy Qazyǵurt, Saryaǵash aýdandarynda jaýyn-shashyn men Kentaý qalasynda qatty jel soǵyp, tabiǵi apat boldy. Sonyń saldarynan 50 adam qaýipsiz aimaqqa kóshirildi. Adam shyǵyny joq. Aldyn ala eseppen, 53 úidiń aýlasyna, 19 úige, 1 meiramhana men 16 ǵimaratqa sý kirgeni anyqtaldy. Sonymen qatar 370 bas mal shyǵyny tirkelip otyr.
