Ózbekstan Respýblikasynyń astanasy Tashkent qalasynda «Ózbekstan Respýblikasyndaǵy Qazaqstan Respýblikasynyń jyly» egidasynyń aiasynda qazaqstandyq meditsina kúnderi ótip jatyr. Úkimetaralyq kelisimderdiń sheńberinde uiymdastyrylǵan bul is-sharanyń basty maqsaty eki respýblikanyń densaýlyq saqtaý, meditsinalyq bilim berý júieleriniń dialogyn damytý jáne nyǵaitý, sondai-aq aýrýlardy jańa tehnologiialar arqyly diagnostikalaý jáne emdeý boiynsha tájiribe almasý, - dep habarlaidy A.N.Syzǵanov atyndaǵy Ulttyq ǵylymi hirýrgiia ortalyǵynyń baspasóz qyzmeti.
Ulttyq ortalyqtardyń, joǵarǵy oqý oryndarynyń, densaýlyq saqtaý basqarmalarynyń ókilderinen turatyn qazaqstandyq delegatsiiany Densaýlyq saqtaý ministri Birtanov Eljan Amantaiuly bastap bardy.
A.N. Syzǵanov atyndaǵy Ulttyq ǵylymi hirýrgiia ortalyǵynyń delegatsiiasynyń quramynda ortalyqtyń jetekshi mamandary bar: interventsiialyq kardiologiia bóliminiń meńgerýshisi, PhD Baiymbetov Ádil Qudaibergenuly, endoskopiia bóliminiń meńgerýshisi, densaýlyq saqtaý magistri Abdrashev Erlan Baitóreuly, ýrologiia jáne búirek transplantatsiiasy bóliminiń meńgerýshisi, joǵary sanatty dáriger Ibragimov Ravil Pashaevich, aǵa ǵylymi qyzmetker, professor Iliiasova Bibigúl Saparbekqyzy, ginekologiialyq bólimniń meńgerýshisi, joǵary sanatty dáriger Úsenov Qadyrjan Maratuly, joǵary sanatty ginekolog dáriger Chýpin Aleksandr Nikolaevich, strategiialyq bloktyń jetekshisi, meditsina ǵylymdarynyń kandidaty Mirjaqypov Arman Tólegenuly. Ortalyq delegatsiiasyn Basqarma tóraǵasy, meditsina ǵylymdarynyń doktory, professor, QR DSM-niń bas hirýrgy Baimahanov Bolatbek Bimendeuly bastap bardy.
Osy is-sharanyń aiasynda ortalyq mamandary óz jetistikteri men tabystaryn Ózbekstannyń praktikalyq densaýlyq saqtaý ókilderiniń nazaryna usyndy.
Joǵary deńgeidegi sessiiada Basqarma tóraǵasy Baimahanov Bolatbek Bimendeuly «A.N. Syzǵanov atyndaǵy Ulttyq ǵylymi hirýrgiia ortalyǵynyń meditsinalyq tehnologiialar salasyndaǵy jetistikteri» taqyrybynda baiandama jasady.
V.Vahidov atyndaǵy Respýblikalyq mamandandyrylǵan ǵylymi-praktikalyq hirýrgiia ortalyǵy, Respýblikalyq mamandandyrylǵan ǵylymi-praktikalyq kardiologiia ortalyǵy, ÓR DSM-niń juqpaly aýrýlar jáne virýsologiia Ǵylymi-zertteý institýty, ÓR DSM-niń Respýblikalyq perinataldyq ortalyǵy siiaqty Ózbekstan Respýblikasynyń iri ulttyq ortalyqtarymen seriktestik týraly memorandýmdar bekitildi.
