Astanada syrtqy ister vitse-ministri kóktaiǵaqtan zardap shekti. Muhtar Tileýberdi aiaǵy taiyp qulap, miy shaiqalyp, aýrýhanaǵa túsken, dep habarlady Sputnik agenttigi.
"SIM basshysynyń orynbasary aýrýhanada emdelip jatyr. Áielimen birge otbasylyq otyrystan qaityp kele jatady. Senbide, alǵash qar jaýǵan kúni bolǵan. Aiaǵy taiyp qulap, asfaltqa basyn soǵypty", — dep málimet berdi syrtqy saiasat vedomstvosynyń baspasóz qyzmeti.
Tileýberdige jedel járdemdi áieli shaqyrypty. Vitse-ministrdi aýrýhanaǵa jatqyzǵan.
Esterińizge sala ketsek, ótken demalysta Qazaqstanda alǵashqy qar jaýdy, kei óńirlerde birden erip ketse, biraz aimaqty qar jamylǵysy basyp qaldy.
Astanada seisenbi kúni de qar toqtaýsyz jaýyp tur. Tótenshe jaǵdailar komiteti elorda men elimizdiń birqatar óńirinde kóktaiǵaq bolady dep eskertti.
