QR Memlekettik qyzmet isteri jáne sybailas jemqorlyqqa qarsy kúres agenttigi burynǵy sheneýnikti iri paramen ustady, dep xabarlaidy QazAqparat tilshisi.
"Ótken aptada Sybailas jemqorlyqqa qarsy ulttyq biýrosy QR Syrtqy ister ministrliginiń burynǵy jaýapty xatshysy Qarashevtyń iri kólemde para alý faktileri boiynsha qylmysyn áshkereledi. Jaýapty memlekettik laýazymdy atqara otyryp, ol ministrliktiń vedomstvolyq baǵynysty uiymdardyń basshylary Sákenovanyń, Nurekenovtyń, Jumasanovanyń zańǵa qaishy áreketterin jasyryp júrgen. Sol úshin Qarashev olardan 10 million teńge kóleminde zańsyz syiaqyny júieli túrde alyp otyrǵan. Óz kezeginde Sákenova, Nurekenov jáne Jumasanova qylmystyq sxemany uiymdastyra otyryp, ministrlik úshin qyzmetter kórsetýge sharttar jasaǵany jáne olardy kedergisiz qabyldaǵany úshin kásipkerlerden 20 million teńgeden astam para alǵan", - dedi agenttiktiń resmi ókili N.Jaxin Astanada ótken baspasóz máslixatynda.
Onyń aitýynsha, qazirgi kezde alty adam qylmystyq jazaǵa tartylyp otyr. Sottyń sanktsiiasymen Qarashev pen Nurekenov qamaýǵa alyndy. Al Sákenovaǵa qatysty úiqamaqqa alý týraly bultartpaý sharasy qoldanyldy.
