Ermuhambet Qonyspaev Syrtqy ister ministriniń orynbasary bolyp taǵaiyndaldy, - dep habarlaidy "Ult aqparat" Aqorda saityna silteme jasap.
"Memleket basshysynyń ókimimen Ermuhambet Bolatpekuly Qonyspaev Qazaqstan Respýblikasy Syrtqy ister ministriniń orynbasary laýazymyna taǵaiyndaldy", - delingen jarlyqta.
Ermuhambet Qonyspaev Ál-Farabi atyndaǵy Qazaq ulttyq ýniversitetiniń Halyqaralyq qatynastar fakýltetin bitirgen. Sondai-aq, Ahen qalasyndaǵy Rein-Vestfal tehnikalyq ýniversitetiniń magistratýrasyn Eýropalyq zertteýler mamandyǵy boiynsha bitirdi. Qazaqstan Respýblikasy Prezidentiniń "Bolashaq" halyqaralyq bilim berý stipendiiasynyń túlegi.
Diplomatiialyq qyzmetin QR Syrtqy ister ministrliginiń júiesinde 2001 jyly Ekijaqty yntymaqtastyq departamentiniń attashesinen bastaǵan. 2002 jyly Qazaqstannyń Germaniiadaǵy elshiligine attashe bolyp joldandy.
2003-2007 jyldary Qazaqstannyń Aýstriiadaǵy Elshiliginde attashe, úshinshi jáne ekinshi hatshy qyzmetin atqarǵan.
2008 jyly QR Parlamenti Májilisiniń Halyqaralyq ister, qorǵanys jáne qaýipsizdik komitetine aǵa keńesshi retinde jumysqa aýysty.
2008-2014 jyldary Qazaqstannyń Germaniiadaǵy Elshiliginiń birinshi hatshysy jáne keńesshisi bolyp jumys istegen. 2014 jylǵy qarashada Syrtqy ister ministrliginiń Syrtqy ekonomikalyq saiasat departamenti direktorynyń orynbasary bolyp taǵaiyndaldy.
2017 jyldyń tamyz aiynan qazan aiyna deiin SIM Eýraziialyq integratsiia departamenti direktorynyń mindetin ýaqytsha atqarýshy bolǵan.
Qazaqstannyń Maindaǵy Frankfýrt qalasyndaǵy Bas konsýl laýazymyna taǵaiyndalǵanǵa deiin SIM Eýraziialyq integratsiia departamentiniń direktory qyzmetin atqardy. II dárejeli keńesshi diplomattyq dárejesi bar. Nemis jáne aǵylshyn tilderin biledi. Úilengen, úsh balasy bar.
