QR Syrtqy ister ministri Muhtar Tileýberdi Qytaida tutqyndalǵan qazaqstandyq Aqjarqyn Turlybai isi týraly pikir bildirdi, dep habarlaidy QazAqparat.
«Prezident Qytaiǵa barǵanda, isti barynsha ádil qaraý týraly eń joǵarǵy deńgeide ótinish bildirdi. Degenmen, ózderińiz bilesizder, sot protsesi áli júrip jatyr, sondyqtan kútemiz. Sot protsesinen keiin bálkim, ony ekstradatsiialaý kezeńine ótetin shyǵarmyz», - dedi Muhtar Tileýberdi «Nur Otan» partiiasyndaǵy qabyldaýda tilshilerge bergen suhbatynda.
Eske sala ketsek, 13 qyrkúiekte Prezident Qasym-Jomart Toqaev Qytaiǵa memlekettik sapary barysynda esirtki kontrabandasymen aiyptalǵan otandasymyz Aqjarqyn Turlybaiǵa arasha tústi .
3 qyrkúiekte Gýanchjoý sotynda esirtki kontrabandasymen aiyptalǵan Aqjarqyn Turlybaidyń qylmystyq isi boiynsha otyrys ótti. Otyrys barysynda qorǵaýshy tarap usynǵan qylmystyq istiń materialdary qaraldy.
21 jastaǵy qazaq qyzy Aqjarqyn Turlybai 2014 jyldyń naýryz aiynda Qytaidyń Malaiziiamen shekarasynda esirtkimen ustalǵan bolatyn. Onyń júk sómkesinen 4,5 keli esirtki tabyldy, Aqjarqyn ol týraly bilmeitinin málimdegen. Osy is boiynsha Qytaidyń Gýanchjoý soty Aqjarqyn Turlybaidy esirtki kontrabandasymen aiyptap, ómir boiyna bas bostandyǵynan aiyrdy. 2016 jyly 7 sáýirde apelliatsiialyq satydaǵy sot Aqjarqyn Turlybaidy ómir boiyna bas bostandyǵynan aiyrý jazasyn ózgertý jáne isti birinshi satydaǵy sottyń qaraýyna jiberý týraly qaýly etken bolatyn.
