QR Premer-Ministriniń orynbasary – Qarjy ministri Erulan Jamaýbaev Úkimet otyrysnan keiin BAQ ókilderine syrttaǵy kapitaldy elge qaitarý protsesi 5 baǵytta júrip jatqanyn aitty, dep habarlaidy QazAqparat.
«Eń áýeli zańsyz shyǵarylǵan kapitaldy qaitarý amalyn qarastyrýymyz kerek. Ol kapital syrtta emes, bizdiń ekonomikamyzǵa jumys isteýi kerek. Al kapitaldy qaitarý isi arnaiy quqyq qorǵaý organdarynyń quzyretindegi sharýa. Bul jumyspen tikelei Qarjy ministrligi ainalyspaidy. Qazir syrtqa qansha qarajat jylystatylǵanyn aitý múmkin emes. Importtyq nemese eksporttyq operatsiialar bar. Solardy saraptai otyryp, arnaiy uiym jumys istep jatyr», - dedi Erulan Jamaýbaev.
Úkimet múshesi zańsyz aqsha jylystatqandar qandai jaýapkershilik arqalaitynyn quqyq qorǵaý jáne sot organdary aiqyndaitynyn eske saldy.
«Men Bas prokýror da, Joǵary sot tóraǵasy da emespin. Tiisti usynystardy Prezidentke joldaimyz. Qazir syrttaǵy kapitaldy elge qaitarý boiynsha 5 baǵytta jumys júrip jatyr. Sonyń biri – Bas prokýratýranyń komissiiasy. Árbir fakt zerttelýi kerek», - dedi ol
