Búgin Prezident Qasym-Jomart Toqaev qol qoiǵan Qazaqstan Respýblikasynyń jańa Ákimshilik rásimdik-protsessýaldyq kodeksi kúshine endi. Bul týraly QR Prezidentiniń baspasóz hatshysy Berik Ýáli jelidegi paraqshasynda jazdy.
«Kodeks memleket pen qoǵam arasyndaǵy qatynastardyń paradigmasyn túbegeili ózgertedi. Azamattardyń quqyǵy men biznesti qorǵaýdyń jańa mehanizmderi engiziledi. Ákimshilik organdardyń ústinen jazylatyn talap aryzdar endi «ákimshilik organdardyń kináli-kináli emestigin aiqyndaý» qaǵidaty negizinde qarastyrylady. Bul rette aryz berýshi emes, ákimshilik organ óz sheshiminiń durystyǵyn sot aldynda dáleldeýge tiis. Syrǵytpa jaýaptar men áýre-sarsańǵa salý áreketteri úshin ákimshilik organdar ǵana emes, sheshim qabyldaǵan tulǵalar da jaýap beretin bolady», - dep jazdy B. Ýáli.
Onyń aitýynsha bul qujat «Halyq únine qulaq asatyn memleket» tujyrymdamasyn júzege asyrýdyń mańyzdy quralyna ainalady.
