Qyzylorda oblysynda Syrdariia ózenine batyp ketken 10 jáne 13 jasar eki balanyń máiitteri tabyldy, dep habarlaidy "Ult aqparat".
Oqiǵa 11 tamyz kúni keshki ýaqytta bolǵan edi. Oblys ortalyǵynda turatyn eki bala belgilenbegen jerde shomylǵan.
«Syrdariia aýdany, Qaraózek stansasy mańyndaǵy dariia boiynda sýǵa batyp ketken eki balany izdestirýge oblystyq Tótenshe jaǵdailar departamentiniń 7 qyzmetkeri qatysyp, 2 tehnika tartyldy. Keshe izdestirý jumystary nátijesiz boldy. Búgin tańerteńgi ýaqytta eki bala da oqiǵa ornynan 70-75 metr qashyqtyqta sý astynan tabyldy», - dep málim etti Qyzylorda oblystyq Tótenshe jaǵdailar departamenti órt sóndirý jáne avariialyq-qutqarý jumystary qyzmetiniń ókilderi.
Qyzylorda oblysynda jyl basynan beri sýdaǵy qaýipsizdik erejelerin saqtamaý saldarynan 27 oqiǵa tirkelip, 30 adam qaza boldy. Onyń 11-i bala.
