Foto: QR TJM
Túrkistan oblysynda sýǵa batqan sońǵy qyzdyń denesi tabyldy, - dep habarlaidy "Ult aqparat" TJM baspasóz qyzmetine silteme jasap.
Búgin saǵat 14:56-da Syrdariia ózeninen 21 tamyzda sýǵa batqan qyzdyń denesi tabyldy. Bul kúni barlyǵy 11 adam sýǵa batyp ketken edi, onyń ishinde 8-i - kámelet jasqa tolmaǵandar.
Tótenshe jaǵdailar ministrligi halyqty qaýipsizdik sharalaryn qatań saqtaýǵa, ruqsat etilmegen jerlerde shomylmaýǵa shaqyrdy.
Qaiǵyly oqiǵa 21 tamyzda keshki saǵat 18:00-diń kezinde Otyrar aýdanyndaǵy Syrdariia ózeninen ótetin kópir mańynda bolǵan. Shomylýǵa barǵan 20 adamnyń 11-i sýǵa batyp ketken.
Týystar toidan shyqqan soń demalý úshin ózen jaǵasyna toqtaǵan. Qaitys bolǵan adamdar sýǵa túsip te úlgermegen. Aldyn ala málimet boiynsha bir adam súrinip sýǵa qulaǵan soń ózgeleri ony qutqaryp qalǵysy kelgen. Alaida olar da batyp ketken.
