Syrdariia ózeniniń sýy tómendep keledi. Bul týraly búgin QR IIM Tótenshe jaǵdailar komiteti tóraǵasynyń orynbasary Barat Duzaqbaev aitty, dep habarlaidy "Ult aqparat".
«Syrdariia ózeni gidrologiialyq beketiniń Qarauzaq beketindegi sýdyń naqty deńgeii 695 sm-di quraidy. 13 qańtar kúngi saǵat 18-den bastap sý deńgeii 2 sm-ge tómendedi. Bul oraida aita keterligi, qaýipti belgi 665 sm, al qaterli belgi 770 sm sanalady. Taiaý jatqan Josaly eldi mekenine deiingi araqashyqtyq - 300 metr», - dedi ol.
Onyń aitýynsha, Syrdariia-Josaly beketindegi sýdyń naqty deńgeii 678 sm bolyp tur. Al qaýipti belgi - 680, qaterli belgi - 720 sm. Josaly eldi mekenine deiingi araqashyqtyq - 200 metr.
«Syrdariia-Qazaly beketinde sýdyń naqty deńgeii - 639 sm. 13 qańtar kúni saǵat 18-den bastap sýdyń deńgeii 4 sm tómendedi. Bul rette, qaýipti belgi 640 sm, qaterli belgi 749 sm quraidy. Jaqyn mańdaǵy Josaly eldi mekenine deiingi araqashyqtyq 1 shaqyrym»,- dedi Barat Duzaqbaev.
