سىردارييا ٶزەنٸنٸڭ سۋى تٶمەندەپ كەلەدٸ. بۇل تۋرالى بٷگٸن قر ٸٸم تٶتەنشە جاعدايلار كوميتەتٸ تٶراعاسىنىڭ ورىنباسارى بارات دۇزاقباەۆ ايتتى, دەپ حابارلايدى "ۇلت اقپارات".
«سىردارييا ٶزەنٸ گيدرولوگييالىق بەكەتٸنٸڭ قاراۇزاق بەكەتٸندەگٸ سۋدىڭ ناقتى دەڭگەيٸ 695 سم-دٸ قۇرايدى. 13 قاڭتار كٷنگٸ ساعات 18-دەن باستاپ سۋ دەڭگەيٸ 2 سم-گە تٶمەندەدٸ. بۇل ورايدا ايتا كەتەرلٸگٸ, قاۋٸپتٸ بەلگٸ 665 سم, ال قاتەرلٸ بەلگٸ 770 سم سانالادى. تاياۋ جاتقان جوسالى ەلدٸ مەكەنٸنە دەيٸنگٸ اراقاشىقتىق - 300 مەتر», - دەدٸ ول.
ونىڭ ايتۋىنشا, سىردارييا-جوسالى بەكەتٸندەگٸ سۋدىڭ ناقتى دەڭگەيٸ 678 سم بولىپ تۇر. ال قاۋٸپتٸ بەلگٸ - 680, قاتەرلٸ بەلگٸ - 720 سم. جوسالى ەلدٸ مەكەنٸنە دەيٸنگٸ اراقاشىقتىق - 200 مەتر.
«سىردارييا-قازالى بەكەتٸندە سۋدىڭ ناقتى دەڭگەيٸ - 639 سم. 13 قاڭتار كٷنٸ ساعات 18-دەن باستاپ سۋدىڭ دەڭگەيٸ 4 سم تٶمەندەدٸ. بۇل رەتتە, قاۋٸپتٸ بەلگٸ 640 سم, قاتەرلٸ بەلگٸ 749 سم قۇرايدى. جاقىن ماڭداعى جوسالى ەلدٸ مەكەنٸنە دەيٸنگٸ اراقاشىقتىق 1 شاقىرىم»,- دەدٸ بارات دۇزاقباەۆ.
