Ekologiia, geologiia jáne tabiǵi resýrstar ministri Maǵzum Myrzaǵalievke Ministr myrza!
Babalardan qalǵan “Jut jeti aǵaiyndy” degen sóz bar. Ózińiz de habardar bolarsyz Syrdariia ózeni biyl tartylyp qaldy deýge bolady. Óitkeni transshekaralyq ózenge qatysty kórshi eldermen eń bolmasa bir mld.kýb sý alýdyń joldary jasalynbai qaldy. Qazir Shardara sý qoimasynan sekýndyna 500 kýb.sý jiberilýde. Shildeniń aiaǵynda bul kólem taǵy da qysqartylýy múmkin, óitkeni Shardaranyń ózine joǵarydan sý túsip jatqan joq.
Demek Qyzylorda oblysynyń Shieli, Jańaqorǵan, Qarmaqshy, Qazaly aýdandarynyń kúrish daqyldary sýsyz qalady. Bul aýdandardyń negizgi kúnkórisi kúrish pen baý baqsha ónimderi . Sý jetpese ala jazdai dihanshylardyń etken eńbegi zaia ketedi degen sóz.
Jýyrda bir top eginshilermen kezdestim. Sizder “egin ek, mal baq kúnderińdi kórińder “ deisizder, Syrdariiada sý joq, ekken eginimiz sýdan qalyp bara jatyr dep zar qaqanda qalai jubatarymdy bilmedim.
Ministr myrza, bálkim ózińiz, bolmasa sý komitetiniń tóraǵasy oblysqa baryp qalyptasqan jaǵdaidy óz kózderińizben kórip, tez arada sheshim qabyldamasyńyzdar kesh bolyp qalady.
Men de parlament múshesi retinde sizdermen birge jumys jasaýǵa ázirmin.
Murat Baqtiiarulynyń jazbasy
