ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆكە مينيستر مىرزا!
بابالاردان قالعان “جۇت جەتٸ اعايىندى” دەگەن سٶز بار. ٶزٸڭٸز دە حاباردار بولارسىز سىردارييا ٶزەنٸ بيىل تارتىلىپ قالدى دەۋگە بولادى. ٶيتكەنٸ ترانسشەكارالىق ٶزەنگە قاتىستى كٶرشٸ ەلدەرمەن ەڭ بولماسا بٸر ملد.كۋب سۋ الۋدىڭ جولدارى جاسالىنباي قالدى. قازٸر شاردارا سۋ قويماسىنان سەكۋندىنا 500 كۋب.سۋ جٸبەرٸلۋدە. شٸلدەنٸڭ اياعىندا بۇل كٶلەم تاعى دا قىسقارتىلۋى مٷمكٸن, ٶيتكەنٸ شاردارانىڭ ٶزٸنە جوعارىدان سۋ تٷسٸپ جاتقان جوق.
دەمەك قىزىلوردا وبلىسىنىڭ شيەلٸ, جاڭاقورعان, قارماقشى, قازالى اۋداندارىنىڭ كٷرٸش داقىلدارى سۋسىز قالادى. بۇل اۋدانداردىڭ نەگٸزگٸ كٷنكٶرٸسٸ كٷرٸش پەن باۋ باقشا ٶنٸمدەرٸ . سۋ جەتپەسە الا جازداي ديحانشىلاردىڭ ەتكەن ەڭبەگٸ زايا كەتەدٸ دەگەن سٶز.
جۋىردا بٸر توپ ەگٸنشٸلەرمەن كەزدەستٸم. سٸزدەر “ەگٸن ەك, مال باق كٷندەرٸڭدٸ كٶرٸڭدەر “ دەيسٸزدەر, سىردارييادا سۋ جوق, ەككەن ەگٸنٸمٸز سۋدان قالىپ بارا جاتىر دەپ زار قاقاندا قالاي جۇباتارىمدى بٸلمەدٸم.
مينيستر مىرزا, بەلكٸم ٶزٸڭٸز, بولماسا سۋ كوميتەتٸنٸڭ تٶراعاسى وبلىسقا بارىپ قالىپتاسقان جاعدايدى ٶز كٶزدەرٸڭٸزبەن كٶرٸپ, تەز ارادا شەشٸم قابىلداماسىڭىزدار كەش بولىپ قالادى.
مەن دە پارلامەنت مٷشەسٸ رەتٸندە سٸزدەرمەن بٸرگە جۇمىس جاساۋعا ەزٸرمٸن.
مۇرات باقتييارۇلىنىڭ جازباسى
