21 jylǵa sottalǵan burynǵy biznesmen Toqtar Tóleshov jazasyn Shymkenttegi túzetý mekemesinde ótep jatyr. Syra koroliniń" qalai turyp jatqanyn jergilikti Otyrar.kz basylymy habarlady.
10 adam jaiǵasqan kamerada Toqtar Tóleshovke eki jarym sharshy metri ǵana bekitilgen. Tańǵy saǵat 6:00-da oianyp, túngi 22:00-de uiqyǵa jatatyn qylmysker qazir túrmedegi aýyr jumysqa aralaspaidy, tazalyqpen ǵana ainalysady eken.
Túrmede esik-tereze nemese eden jýady, sebebi asa qaýipti qylmysker retinde qatań qadaǵalaýǵa alynǵan. Ári túski asty ózgelermen bir ústelde otyryp, tamaqtanýǵa ruqsat berilipti.
Eske sala ótsek, 2016 jyly Toqtar Tóleshov sottyń úkimimen 21 jyl bas bostandyǵynan aiyrý jazasyna kesilgen. Oǵan memlekettik tóńkeris uiymdastyrmaq boldy degen aiyp taǵylǵan edi. Sondai-aq, salyqtan jaltarǵany, ekonomikalyq qylmystarǵa barǵany úshin aiypty dep tanyldy.
Sot úkimine sáikes, Toqtar Tóleshov memleketke 1,5 milliard teńgege jýyq ótemaqy tóleýge mindettelip, mal-múlki tárkilenip, kommertsiialyq mekemelerde basshylyq etýden shettetilgen edi.
