21 جىلعا سوتتالعان بۇرىنعى بيزنەسمەن توقتار تٶلەشوۆ جازاسىن شىمكەنتتەگٸ تٷزەتۋ مەكەمەسٸندە ٶتەپ جاتىر. سىرا كورولٸنٸڭ" قالاي تۇرىپ جاتقانىن جەرگٸلٸكتٸ Otyrar.kz باسىلىمى حابارلادى.
10 ادام جايعاسقان كامەرادا توقتار تٶلەشوۆكە ەكٸ جارىم شارشى مەترٸ عانا بەكٸتٸلگەن. تاڭعى ساعات 6:00-دا ويانىپ, تٷنگٸ 22:00-دە ۇيقىعا جاتاتىن قىلمىسكەر قازٸر تٷرمەدەگٸ اۋىر جۇمىسقا ارالاسپايدى, تازالىقپەن عانا اينالىسادى ەكەن.
تٷرمەدە ەسٸك-تەرەزە نەمەسە ەدەن جۋادى, سەبەبٸ اسا قاۋٸپتٸ قىلمىسكەر رەتٸندە قاتاڭ قاداعالاۋعا الىنعان. ەرٸ تٷسكٸ استى ٶزگەلەرمەن بٸر ٷستەلدە وتىرىپ, تاماقتانۋعا رۇقسات بەرٸلٸپتٸ.
ەسكە سالا ٶتسەك, 2016 جىلى توقتار تٶلەشوۆ سوتتىڭ ٷكٸمٸمەن 21 جىل باس بوستاندىعىنان ايىرۋ جازاسىنا كەسٸلگەن. وعان مەملەكەتتٸك تٶڭكەرٸس ۇيىمداستىرماق بولدى دەگەن ايىپ تاعىلعان ەدٸ. سونداي-اق, سالىقتان جالتارعانى, ەكونوميكالىق قىلمىستارعا بارعانى ٷشٸن ايىپتى دەپ تانىلدى.
سوت ٷكٸمٸنە سەيكەس, توقتار تٶلەشوۆ مەملەكەتكە 1,5 ميلليارد تەڭگەگە جۋىق ٶتەماقى تٶلەۋگە مٸندەتتەلٸپ, مال-مٷلكٸ تەركٸلەنٸپ, كوممەرتسييالىق مەكەمەلەردە باسشىلىق ەتۋدەن شەتتەتٸلگەن ەدٸ.
