Syr eli, jyr eli dep tanylǵan Qyzylorda oblysynyń Dostyq úiinde «Sóz marjany» atty jas aqyndar músháirasy ótti, - dep habarlaidy «Ult aqparat».
Qala men aýdandardan kelip 10 ónerpaz qatysqan jyr báigesin Qyzylorda oblystyq ishki saiasat basqarmasynyń «Qoǵamdyq kelisim» KMM, qalalyq mádeniet bólimi jáne «Bitim» mediatsiia ortalyǵynyń uiymdastyrýymen ótti.
«Barshańyzdy búgingi jyr keshimen quttyqtaimyn. Qandai jaǵdaida da sóz eń naqty atylǵan oq dep bilemin. Óitkeni dana halqymyz «aitylǵan sóz atylǵan oq» dep beker aitpaǵan. Onyń ishinde aitys óneriniń orny erekshe. Babadan kele jatqan bul sóz óneri ekiniń birine buiyra bermeitin baq. Aitys qazaqqa ǵana emes, túrki halyqtaryna ortaq óner. Qyzyl til kez kelgen máseleni sheshken. Búgin baǵyn synaǵaly otyrǵan jastardyń batyldyǵyna sheksiz rizamyn. Aitysta juldyzdaryńyz jana bersin», - degen «Qoǵamdyq kelisim» KMM direktorynyń mindetin atqarýshy Farhat Ábdibaǵdatuly jyr músháirasyn ashyp, bolashaǵynan úmit kúttiretin jas ónerpazdarǵa sáttilik tiledi.
Sonymen, jastardyń baǵynn synaǵan saiysta jas talanttar músháira erejesine sai eki kezeń boiynsha baq synady. Qatysýshylar el Táýelsizdiginiń 30 jyldyǵyn, dostyq pen tatýlyq, yntymaq pen birlikti, ana tildiń qadiri men eńseli eldiń erkindigin óz jyrlaryna arqaý etti. Jyrlary arqyly úlken oi kótergen sóz sheberlerine degen qoshemette zor boldy.
«Aqyn bolý ońai emes. Onyń jaýapkershiligi de zor. Jazba aqyndyqqa qaraǵanda aitys óneriniń jaýapkershiligi aýyr. Óitkeni aitysta aitqan sózińdi jóndei almaisyń. Sóz tergende qalai aitsań, solai jazylyp, saqtalady. El aldynda abroily bolýyń da, abyroisyz bolýyń da bir-aq sát. Sondyqtan aýyzdan shyqqan árbir sózge muqiiat bolý kerek. Mine, aqyndyqtyń salmaǵy osynda. Búgingi jyr músháirasyna qatysyp jatqan árbir jastyń talabyn taýdai eken. Sóz qadirin biletin jastar úshin qýanamyz, árine. Bul aitys óneri sonaý babadan qalǵan amamant qoi. Amanatqa qiianat jasamai, búginde dombyrasyn arqalap, sózden marjan terip júrgeni jastarǵa alys aitqym keledi», - dedi Qazaqstannyń eńbek sińirgen qairatkeri Erjan Ýais.
Aita keteiik, atalǵan jyr múisháirasyna Qazaqstannyń eńbek sińirgen qairatkeri Erjan Ýais, aqyndar Ǵabit Kádirbai jáne Ulyqbek Bekuzaquly músháiraǵa qazylyq etip, jas sóz sheberleriniń ónerin sarapqa saldy. Tarazylap, nátijesinde birinshi júldeli oryndy Meiirjan Qartbai, ekinshi oryndy Beksultan Sanaqul, úshinshi oryndy Názerke Mantai ielendi.
«Men bala kezimnen aitys sahnasynda shyńdalyp kelemin. Búgingi aitysta da top jaryp, júldeli birinshi oryndy alǵanyma shyn qýanyshtymyn. Bul ata-anam úshin úlken maqtanysh. Óitkeni meniń anam da, ákem de sózge jaqyn adamdar. Olardyń armanynyń jalǵasy bolyp men ósip kelemin. Osylaisha búginde oblysta júldelerdi bermei shyńdalyp kele jatyrmyn. Buiyrsa, aldaǵy ýaqytta respýblikaǵa belgili sóz mergeni bolatynyma senimdimin. Oǵan meniń erik-jigerim jetedi dep oilaimyn. Búgingi aitys ońai bolǵan joq, qarsylastarym da myqty boldy. Sondyqtan barlyq qatysýshylar men uiymdastyrýshylarǵa raqmet aitamyn», - dedi birinshi júldeli oryndy ielengen Meiirjan Qartbai.
Barlyq qatysýshylarǵa «Qoǵamdyq kelisim» KMM direktorynyń mindetin atqarýshy Farhat Ábdibaǵdatuly atynan Alǵys hat berildi. Al jeńimpazdarǵa diplom men syilyqtar tabystaldy.
Esterińizge sala keteiik, Syr eli, jyr eli dep tanylǵan Qyzylorda oblysynyń Dostyq úiinde «Sóz marjany» atty jas aqyndar músháirasy ótti. Qala men aýdandardan kelip 10 ónerpaz qatysqan jyr báigesin Qyzylorda oblystyq ishki saiasat basqarmasynyń «Qoǵamdyq kelisim» KMM, qalalyq mádeniet bólimi jáne «Bitim» mediatsiia ortalyǵynyń uiymdastyrýymen ótti. Atalǵan jyr múisháirasyna Qazaqstannyń eńbek sińirgen qairatkeri Erjan Ýais, aqyndar Ǵabit Kádirbai jáne Ulyqbek Bekuzaquly músháiraǵa qazylyq etip, jas sóz sheberleriniń ónerin sarapqa saldy. Tarazylap, nátijesinde birinshi júldeli oryndy Meiirjan Qartbai, ekinshi oryndy Beksultan Sanaqul, úshinshi oryndy Názerke Mantai ielendi.
