سىر ەلٸ, جىر ەلٸ دەپ تانىلعان قىزىلوردا وبلىسىنىڭ دوستىق ٷيٸندە «سٶز مارجانى» اتتى جاس اقىندار مٷشەيراسى ٶتتٸ, - دەپ حابارلايدى «ۇلت اقپارات».
قالا مەن اۋدانداردان كەلٸپ 10 ٶنەرپاز قاتىسقان جىر بەيگەسٸن قىزىلوردا وبلىستىق ٸشكٸ ساياسات باسقارماسىنىڭ «قوعامدىق كەلٸسٸم» كمم, قالالىق مەدەنيەت بٶلٸمٸ جەنە «بٸتٸم» مەدياتسييا ورتالىعىنىڭ ۇيىمداستىرۋىمەن ٶتتٸ.
«بارشاڭىزدى بٷگٸنگٸ جىر كەشٸمەن قۇتتىقتايمىن. قانداي جاعدايدا دا سٶز ەڭ ناقتى اتىلعان وق دەپ بٸلەمٸن. ٶيتكەنٸ دانا حالقىمىز «ايتىلعان سٶز اتىلعان وق» دەپ بەكەر ايتپاعان. ونىڭ ٸشٸندە ايتىس ٶنەرٸنٸڭ ورنى ەرەكشە. بابادان كەلە جاتقان بۇل سٶز ٶنەرٸ ەكٸنٸڭ بٸرٸنە بۇيىرا بەرمەيتٸن باق. ايتىس قازاققا عانا ەمەس, تٷركٸ حالىقتارىنا ورتاق ٶنەر. قىزىل تٸل كەز كەلگەن مەسەلەنٸ شەشكەن. بٷگٸن باعىن سىناعالى وتىرعان جاستاردىڭ باتىلدىعىنا شەكسٸز ريزامىن. ايتىستا جۇلدىزدارىڭىز جانا بەرسٸن», - دەگەن «قوعامدىق كەلٸسٸم» كمم ديرەكتورىنىڭ مٸندەتٸن اتقارۋشى فارحات ەبدٸباعداتۇلى جىر مٷشەيراسىن اشىپ, بولاشاعىنان ٷمٸت كٷتتٸرەتٸن جاس ٶنەرپازدارعا سەتتٸلٸك تٸلەدٸ.
سونىمەن, جاستاردىڭ باعىنن سىناعان سايىستا جاس تالانتتار مٷشەيرا ەرەجەسٸنە ساي ەكٸ كەزەڭ بويىنشا باق سىنادى. قاتىسۋشىلار ەل تەۋەلسٸزدٸگٸنٸڭ 30 جىلدىعىن, دوستىق پەن تاتۋلىق, ىنتىماق پەن بٸرلٸكتٸ, انا تٸلدٸڭ قادٸرٸ مەن ەڭسەلٸ ەلدٸڭ ەركٸندٸگٸن ٶز جىرلارىنا ارقاۋ ەتتٸ. جىرلارى ارقىلى ٷلكەن وي كٶتەرگەن سٶز شەبەرلەرٸنە دەگەن قوشەمەتتە زور بولدى.
«اقىن بولۋ وڭاي ەمەس. ونىڭ جاۋاپكەرشٸلٸگٸ دە زور. جازبا اقىندىققا قاراعاندا ايتىس ٶنەرٸنٸڭ جاۋاپكەرشٸلٸگٸ اۋىر. ٶيتكەنٸ ايتىستا ايتقان سٶزٸڭدٸ جٶندەي المايسىڭ. سٶز تەرگەندە قالاي ايتساڭ, سولاي جازىلىپ, ساقتالادى. ەل الدىندا ابرويلى بولۋىڭ دا, ابىرويسىز بولۋىڭ دا بٸر-اق سەت. سوندىقتان اۋىزدان شىققان ەربٸر سٶزگە مۇقييات بولۋ كەرەك. مٸنە, اقىندىقتىڭ سالماعى وسىندا. بٷگٸنگٸ جىر مٷشەيراسىنا قاتىسىپ جاتقان ەربٸر جاستىڭ تالابىن تاۋداي ەكەن. سٶز قادٸرٸن بٸلەتٸن جاستار ٷشٸن قۋانامىز, ەرينە. بۇل ايتىس ٶنەرٸ سوناۋ بابادان قالعان امامانت قوي. اماناتقا قييانات جاساماي, بٷگٸندە دومبىراسىن ارقالاپ, سٶزدەن مارجان تەرٸپ جٷرگەني جاستارعا الىس ايتقىم كەلەدٸ», - دەدٸ قازاقستاننىڭ ەڭبەك سٸڭٸرگەن قايراتكەرٸ ەرجان ۋايس.
ايتا كەتەيٸك, اتالعان جىر مٷيشەيراسىنا قازاقستاننىڭ ەڭبەك سٸڭٸرگەن قايراتكەرٸ ەرجان ۋايس, اقىندار عابيت كەدٸرباي جەنە ۇلىقبەك بەكۇزاقۇلى مٷشەيراعا قازىلىق ەتٸپ, جاس سٶز شەبەرلەرٸنٸڭ ٶنەرٸن ساراپقا سالدى. تارازىلاپ, نەتيجەسٸندە بٸرٸنشٸ جٷلدەلٸ ورىندى مەيٸرجان قارتباي, ەكٸنشٸ ورىندى بەكسۇلتان ساناقۇل, ٷشٸنشٸ ورىندى نەزەركە مانتاي يەلەندٸ.
«مەن بالا كەزٸمنەن ايتىس ساحناسىندا شىڭدالىپ كەلەمٸن. بٷگٸنگٸ ايتىستا دا توپ جارىپ, جٷلدەلٸ بٸرٸنشٸ ورىندى العانىما شىن قۋانىشتىمىن. بۇل اتا-انام ٷشٸن ٷلكەن ماقتانىش. ٶيتكەنٸ مەنٸڭ انام دا, ەكەم دە سٶزگە جاقىن ادامدار. ولاردىڭ ارمانىنىڭ جالعاسى بولىپ مەن ٶسٸپ كەلەمٸن. وسىلايشا بٷگٸندە وبلىستا جٷلدەلەردٸ بەرمەي شىڭدالىپ كەلە جاتىرمىن. بۇيىرسا, الداعى ۋاقىتتا رەسپۋبليكاعا بەلگٸلٸ سٶز مەرگەنٸ بولاتىنىما سەنٸمدٸمٸن. وعان مەنٸڭ ەرٸك-جٸگەرٸم جەتەدٸ دەپ ويلايمىن. بٷگٸنگٸ ايتىس وڭاي بولعان جوق, قارسىلاستارىم دا مىقتى بولدى. سوندىقتان بارلىق قاتىسۋشىلار مەن ۇيىمداستىرۋشىلارعا راقمەت ايتامىن», - دەدٸ بٸرٸنشٸ جٷلدەلٸ ورىندى يەلەنگەن مەيٸرجان قارتباي.
بارلىق قاتىسۋشىلارعا «قوعامدىق كەلٸسٸم» كمم ديرەكتورىنىڭ مٸندەتٸن اتقارۋشى فارحات ەبدٸباعداتۇلى اتىنان العىس حات بەرٸلدٸ. ال جەڭٸمپازدارعا ديپلوم مەن سىيلىقتار تابىستالدى.
ەستەرٸڭٸزگە سالا كەتەيٸك, سىر ەلٸ, جىر ەلٸ دەپ تانىلعان قىزىلوردا وبلىسىنىڭ دوستىق ٷيٸندە «سٶز مارجانى» اتتى جاس اقىندار مٷشەيراسى ٶتتٸ. قالا مەن اۋدانداردان كەلٸپ 10 ٶنەرپاز قاتىسقان جىر بەيگەسٸن قىزىلوردا وبلىستىق ٸشكٸ ساياسات باسقارماسىنىڭ «قوعامدىق كەلٸسٸم» كمم, قالالىق مەدەنيەت بٶلٸمٸ جەنە «بٸتٸم» مەدياتسييا ورتالىعىنىڭ ۇيىمداستىرۋىمەن ٶتتٸ. اتالعان جىر مٷيشەيراسىنا قازاقستاننىڭ ەڭبەك سٸڭٸرگەن قايراتكەرٸ ەرجان ۋايس, اقىندار عابيت كەدٸرباي جەنە ۇلىقبەك بەكۇزاقۇلى مٷشەيراعا قازىلىق ەتٸپ, جاس سٶز شەبەرلەرٸنٸڭ ٶنەرٸن ساراپقا سالدى. تارازىلاپ, نەتيجەسٸندە بٸرٸنشٸ جٷلدەلٸ ورىندى مەيٸرجان قارتباي, ەكٸنشٸ ورىندى بەكسۇلتان ساناقۇل, ٷشٸنشٸ ورىندى نەزەركە مانتاي يەلەندٸ.
