Foto: Aqordanyń baspasóz qyzmeti
(Jatyq til, oralymdy oi, qarapaiym tolǵam)
Memleket basshysy Qasym-Jomart Toqaevtyń eline etene jaqyn “Egemen Qazaqstan” gazetine - akademik Dihan Qamzabekulyna bergen suhbatyn muqiiat oqyp shyqtyq. Ártúrli taqyrypty qaýzaǵan ashyq suhbatta eldi tolǵandyrǵan máseleler tolyqqandy qamtylypty. Qurylymdyq jaǵynan jinaqy, aitylar oiy naqty, jatyq tilmen jurtshylyqqa jetkizilgen málimdelerdiń máni mańyzdy ekenin aitqanymyz abzal.
Prezident janyndaǵy Ulttyq quryltaidyń múshesi retinde maǵan Memleket basshynyń ulttyń jańa sapasyn qalyptastyrý isi, qoǵamnyń qundylyqtar júiesin jańǵyrtý jaiynda aitqandary zor áser etti.
“Bizdiń buryn kim bolǵanymyzdan qazir kim ekenimiz, eń bastysy, bolashaqta kim bolatynymyz áldeqaida mańyzdy. Sondyqtan qandai qiyndyqtan ótkenimizdi baǵamdaityn kezde ǵana aýyzbirshilik tanytpai, baiandy bolashaqqa da birge qadam basýymyz qajet. Biz ótkendi ańsaýmen ómir súrmeýimiz kerek. Kerisinshe, keleshegimizdi kemel etýge umtylyp, ulttyń ulylyǵyn naqty ispen dáleldeýge tiispiz”- dep el keleshegi úshin airyqsha mańyzdy máselelerge toqtala kelip, elimizde eńbekqorlyq pen jasampazdyq joǵary baǵalanýǵa, bilimpazdyq pen jańashyldyq saltanat qurýǵa tiis ekendigin tilge tiek etti.
Únemi jalpyulttyq qundylyqtarǵa mán berýdi málimdep júrgen Memleket basshysy, eńbekqorlyq, bilimpazdyq, kásibilik, birlik, yntymaq, janashyrlyq, iskerlik, bastamashyldyq, adaldyq, qarapaiymdylyq jáne únemshildik – naǵyz otanshyl, adal azamatqa tán qasietter men qundylyqtar qunyn joimaitynyn taǵy eske saldy.
Memleketimizdi básekelestikke qabiletti elge ainaldyrýda sapaly ult qalyptastyrý mańyzdy ekenin umytpaiyq. Jalpyulttyq qundylyqtarymyzdy ulyqtaiyq!
Kárimbek QURMANÁLIEV,
QR Prezidentiniń janyndaǵy Ulttyq quryltai múshesi,
akademik.
