فوتو: اقوردانىڭ باسپاسٶز قىزمەتٸ
(جاتىق تٸل, ورالىمدى وي, قاراپايىم تولعام)
مەملەكەت باسشىسى قاسىم-جومارت توقاەۆتىڭ ەلٸنە ەتەنە جاقىن “Egemen Qazaqstan” گازەتٸنە - اكادەميك ديحان قامزابەكۇلىنا بەرگەن سۇحباتىن مۇقييات وقىپ شىقتىق. ەرتٷرلٸ تاقىرىپتى قاۋزاعان اشىق سۇحباتتا ەلدٸ تولعاندىرعان مەسەلەلەر تولىققاندى قامتىلىپتى. قۇرىلىمدىق جاعىنان جيناقى, ايتىلار ويى ناقتى, جاتىق تٸلمەن جۇرتشىلىققا جەتكٸزٸلگەن مەلٸمدەلەردٸڭ مەنٸ ماڭىزدى ەكەنٸن ايتقانىمىز ابزال.
پرەزيدەنت جانىنداعى ۇلتتىق قۇرىلتايدىڭ مٷشەسٸ رەتٸندە ماعان مەملەكەت باسشىنىڭ ۇلتتىڭ جاڭا ساپاسىن قالىپتاستىرۋ ٸسٸ, قوعامنىڭ قۇندىلىقتار جٷيەسٸن جاڭعىرتۋ جايىندا ايتقاندارى زور ەسەر ەتتٸ.
“بٸزدٸڭ بۇرىن كٸم بولعانىمىزدان قازٸر كٸم ەكەنٸمٸز, ەڭ باستىسى, بولاشاقتا كٸم بولاتىنىمىز ەلدەقايدا ماڭىزدى. سوندىقتان قانداي قيىندىقتان ٶتكەنٸمٸزدٸ باعامدايتىن كەزدە عانا اۋىزبٸرشٸلٸك تانىتپاي, باياندى بولاشاققا دا بٸرگە قادام باسۋىمىز قاجەت. بٸز ٶتكەندٸ اڭساۋمەن ٶمٸر سٷرمەۋٸمٸز كەرەك. كەرٸسٸنشە, كەلەشەگٸمٸزدٸ كەمەل ەتۋگە ۇمتىلىپ, ۇلتتىڭ ۇلىلىعىن ناقتى ٸسپەن دەلەلدەۋگە تيٸسپٸز”- دەپ ەل كەلەشەگٸ ٷشٸن ايرىقشا ماڭىزدى مەسەلەلەرگە توقتالا كەلٸپ, ەلٸمٸزدە ەڭبەكقورلىق پەن جاسامپازدىق جوعارى باعالانۋعا, بٸلٸمپازدىق پەن جاڭاشىلدىق سالتانات قۇرۋعا تيٸس ەكەندٸگٸن تٸلگە تيەك ەتتٸ.
ٷنەمٸ جالپىۇلتتىق قۇندىلىقتارعا مەن بەرۋدٸ مەلٸمدەپ جٷرگەن مەملەكەت باسشىسى, ەڭبەكقورلىق, بٸلٸمپازدىق, كەسٸبيلٸك, بٸرلٸك, ىنتىماق, جاناشىرلىق, ٸسكەرلٸك, باستاماشىلدىق, ادالدىق, قاراپايىمدىلىق جەنە ٷنەمشٸلدٸك – ناعىز وتانشىل, ادال ازاماتقا تەن قاسيەتتەر مەن قۇندىلىقتار قۇنىن جويمايتىنىن تاعى ەسكە سالدى.
مەملەكەتٸمٸزدٸ بەسەكەلەستٸككە قابٸلەتتٸ ەلگە اينالدىرۋدا ساپالى ۇلت قالىپتاستىرۋ ماڭىزدى ەكەنٸن ۇمىتپايىق. جالپىۇلتتىق قۇندىلىقتارىمىزدى ۇلىقتايىق!
كەرٸمبەك قۇرمانەليەۆ,
قر پرەزيدەنتٸنٸڭ جانىنداعى ۇلتتىق قۇرىلتاي مٷشەسٸ,
اكادەميك.
