Shymkentte qarbyz egilgen aýmaqtyń arasyna esirtki plantatsiiasyn jasyrǵan turǵyn ustaldy. Onyń úiinen 330 keliden astam esirtki shikizaty men satýǵa daiyndalǵan ónim tárkilendi, dep habarlaidy ult.kz.
Polisia.kz málimetinshe, "Qarasora – 2026" jedel-profilaktikalyq is-sharasy barysynda Shymkent qalasynda kannabis tobyndaǵy esirtkini zańsyz ósirip, daiyndaǵan azamattyń áreketi áshkerelendi.
Tergeý málimetine sáikes, kúdikti óz úiiniń aýmaǵynda gashish pen marihýana óndirýdiń tolyq tizbegin uiymdastyrǵan. Ol quramynda esirtkisi bar ósimdikterdi ósirip qana qoimai, olardy óńdep, satýǵa daiyndaǵan.
Tintý kezinde aýyl sharýashylyǵy daqyldarynyń, onyń ishinde qarbyz egilgen aýmaqtyń arasyna jasyrylǵan shamamen 130 túp esirtki ósimdigi anyqtaldy. Sonymen qatar sharýashylyq qurylystarynan 330 kilogramnan astam esirtki shikizaty men ótkizýge arnalǵan býyp-túiilgen daiyn ónim tárkilendi.
Atalǵan derek boiynsha Qylmystyq kodekstiń esirtkini ótkizý maqsatynda saqtaý jáne quramynda esirtkisi bar ósimdikterdi zańsyz ósirý baptary boiynsha qylmystyq is qozǵaldy.
Qazir sotqa deiingi tergeý júrgizilip jatyr. Politseiler qylmystyń barlyq mán-jaiyn, esirtkini ótkizý arnalary men zańsyz shemaǵa qatysy bolýy múmkin ózge tulǵalardy anyqtaýda.
