9 qyrkúiek kúni keshki ýaqytta Shymkent qalasyndaǵy Hamza kóshesinde kórshiler arasyndaǵy janjal qaiǵyly jaǵdaimen aiaqtaldy, dep habarlaidy ult.kz.
Oqiǵaǵa 65 jáne 39 jastaǵy eki er adamnyń arasyndaǵy janjal sebep bolǵan. Qaqtyǵystyń naqty neden bastalǵany ázirge belgisiz.
Oqiǵanyń sumdyq sátteri kóshedegi beinebaqylaý kameralaryna túsip qalǵan. Kadrlarda 39 jastaǵy er adamnyń 65 jastaǵy kórshisine birneshe ret judyryqpen soqqy jasaǵany kórinedi. Soqqydan qart er adam jerge qulaǵan. Alaida ol jábirlenýshige jatqan jerinen taǵy birneshe ret soqqy jasaǵan.
Odan keiin kúdikti marqumnyń úiinen keibir zattardy alyp, úiine ketken.
Aýyr soqqydan keiin 65 jastaǵy er adam esin jimaǵan. Jaqyndary jedel járdem shaqyrǵanymen, oqiǵa ornyna jetken meditsina qyzmetkerleri onyń qaitys bolǵanyn rastady.
Oqiǵa ornyna politsiia qyzmetkerleri men Shymkent qalasy Politsiia departamentiniń basshylyǵy keldi. Al kúdikti oqiǵa ornynan boi tasalap ketken. Qazir ony izdeý boiynsha sharalar júrgizilip, qylmystyq is aiasynda tergeý amaldary júrip jatyr.
Marqumnyń artynda bes balasy qaldy.
