Qazaqstan men Qyrǵyzstannyń quqyq qorǵaý organdary birlesken arnaiy operatsiia barysynda esirtki jetkizýdiń transulttyq arnasynyń jolyn kesti, dep habarlaidy ult.kz.
Ishki ister ministrliginiń málimetinshe, is-sharalar «Zań men Tártip» qaǵidatyn iske asyrý aiasynda jáne halyqaralyq esirtki tasymaly arnalaryna qarsy kúres maqsatynda júrgizilgen.
Arnaiy operatsiia nátijesinde Shymkent qalasynda Qazaqstannyń eki azamaty ustaldy. Kúdiktilerden shamamen 5 keli aýǵandyq apiyn tárkilengen.
IIM Esirtki qylmysyna qarsy is-qimyl komiteti basqarmasy bastyǵynyń aitýynsha, atalǵan derek boiynsha Qylmystyq kodekstiń 297-babynyń 3-bóligi boiynsha sotqa deiingi tergep-tekserý bastaldy. Kúdiktiler ýaqytsha ustaý izoliatoryna qamalǵan.
Qazirgi ýaqytta tergeý aiasynda olardyń áreketterine esirtki kontrabandasy jáne transulttyq uiymdasqan qylmystyq topqa qatysy bolýy múmkin degen belgiler boiynsha qosymsha quqyqtyq baǵa berý máselesi qarastyrylyp jatyr.
Ishki ister ministrligi halyqaralyq áriptestik aiasynda Qazaqstan aýmaǵyna esirtki jetkizý arnalarynyń jolyn kesý jáne el arqyly ótetin esirtki tranzitine qarsy arnaiy operatsiialardy jalǵastyratynyn málimdedi.
