Shymkent qalasynda Qarjylyq monitoring agenttiginiń Ekonomikalyq tergep-tekserý departamenti Bingo-37 jáne Lotoboom onlain kazinolarynyń zańsyz qyzmetin toqtatty, dep habarlaidy ult.kz.
Agenttiktiń málimetinshe, tergeý barysynda 2023-2025 jyldar aralyǵynda bir top adamnyń zańsyz oiyn biznesin uiymdastyrǵany anyqtalǵan. Olar 14-ten astam dropperdiń atyna rásimdelgen bank shottary arqyly oiynshylardan aqsha qabyldap, utystardy aýdaryp otyrǵan.
Tergeý deregine sáikes, eki onlain kazinonyń jalpy qarjy ainalymy 3,1 milliard teńgeni quraǵan. Onyń 2,6 milliard teńgesi oiynshylarǵa utys retinde tólense, 685,7 million teńgesi qylmystyq tabys retinde qolma-qol aqshaǵa ainaldyrylǵan.
Zańsyz tabysqa uiymdastyrýshylar birneshe avtokólik, páter men jer telimderin satyp alǵan. Sottyń sanktsiiasymen bul múlikke tyiym salyndy.
Tárkilenýi múmkin aktivterdiń qatarynda BYD Destroyer, Lixiang L6 Max, Chevrolet Monza, SsangYong Rexton, Changan X5 Plus markaly avtokólikteri, turǵyn úii bar eki jer telimi jáne ózge de múlik bar. Olardyń jalpy quny shamamen 214 million teńgeni quraidy.
Qylmystyq is boiynsha tergeý aiaqtalyp, materialdar sottyń qaraýyna joldandy.
