Eýraziia ulttyq ýniversiteti Symbat Qanaidyń EUÝ stýdenti ekendigi týraly aqparatty joqqa shyǵardy, dep habarlaidy "Ult aqparat" ýniversitettiń baspasóz qyzmetine silteme jasap.
«L.N. Gýmilev atyndaǵy Eýraziia ulttyq ýniversiteti áleýmettik jeli men BAQ-taǵy Symbat Qanai jaily aqparatqa bailanysty tómendegini habarlaidy:
Symbat Qanai Eýraziia ulttyq ýniversitetinde eshqashan oqyǵan emes jáne EUÝ stýdenti bolyp tabylmaidy. BAQ-ta jariialanǵan aqparat shyndyqqa janaspaidy», delingen habarlamada.
Eske sala ketsek, Ulttyq testileý ortalyǵy biyl Ulttyq biryńǵai test tapsyrý kezinde zań buzǵan 19 talapkerdiń nátijesin joiylǵanyn málim etti.
