Qyzylorda oblysynda oryn tepken Syǵanaq qalasyna júrgizilgen qazba barysynda kóne qorym oryndary arshyldy. Sondai-aq, HIII-HIÚ ǵasyrlarǵa jatatyn altyn áshekei buiymdar tabyldy, dep habarlaidy "Ult aqparat".
Sońǵy jyldarda Syǵanaq qalasyna arheologiialyq qazba jumystary júrgizilip keledi. Arheologtardyń qazba jumystary barysynda kóne qorymy oryndary arshyldǵan.
Qyzylorda oblystyq mádeniet, muraǵattar jáne qujattama basqarmasynyń basshysy Mira Ábýovanyń aitýynsha, kezinde qazaq handyǵynyń basty ordasynyń biri bolǵan Syǵanaq qalashyǵyn zertteý barysynda nátijeli jumystar atqarylyp keledi.
«Búginde Tuńǵysh Prezident - Elbasy Nursultan Nazarbaevtyń «Bolashaqqa baǵdar: rýhani jańǵyrý» baǵdarlamasy aiasynda kóptegen is-sharalar júzege asyp keledi. Atalmysh baǵdarlamanyń «Qazaqstannyń kieli jerleriniń geografiiasy» jobasy boiynsha oblysta óńirlik qasietti oryndar tizimi tolyqtyrylydy. Oǵan qosa respýblikalyq «Qasietti Qazaqstan» entsiklopediialyq jinaqqa bizdiń oblystan jalpyulttyq 12 nysan, óńirlik 60 tarihi nysan usynyldy. Sonymen qatar, biyl oblystyq biýdjet esebinen Qyshqala, Jankent, Syǵanaq, Sortóbe, Bábish mola qalashyqtaryna qazba jumystary júrgizildi. Biyl Syǵanaq qalasyna júrgizilgen qazba barysynda kóne qorym oryndary arshyldy. HIII-HIÚ ǵasyrlarǵa jatatyn altyn áshekei buiymdar tabylyp, bul dúnieler ǵylymi zertteýge berildi»,- dedi Mira Abýova.
Qazirgi tańda tabylǵan tarihi oryndar men zattai eksponattarǵa ǵylymi-zertteýler júrgizilýde. Sondai-aq, basqarma basshysy kelesi jyly Abai Qunanbaiulynyń 175 jyldyǵyna arnalǵan Ahmet Jubanov pen Latif Hamididiń «Abai» operasynan úzindi, iaǵni kontserttik nusqasyn qoiý josparlanýda ekenin atap ótti.
Budan buryn Qyzylordada jastarǵa Qorqyt atamurasy nasihattaldy.
