Sybailas jemqorlyqpen kúres qyzmetine 80 myńnan astam volonter kómek kórsetip jatyr.
Bul týraly brifingide QR Sybailas jemqorlyqqa qarsy is-qimyl agenttigi tóraǵasynyń birinshi orynbasary Oljas Bektenov málim etti, dep habarlaidy "Ult aqparat".
«Qazirgi kezde bizde qoǵamdyq kómekshiler, volonterler sany 80 myńnan asyp otyr. Bizge kómektesetin adamdar bul qoldaýlary úshin eńbekaqy nemese basqa da tólemder almaidy, iaǵni el igiligi úshin jumys istep keledi. Sondyqtan barsha qoǵamdyq seriktesterge alǵys aitamyz jáne niet bildirgen barsha azamatty agenttikpen qatar jemqorlyqqa qarsy turýǵa shaqyramyz», - dedi O. Bektenov.
Sonymen qatar ol «Adaldyq alańy» jobasyna toqtaldy. Qazirgi kezde bul joba jalpyulttyq sybailas jemqorlyqqa qarsy qozǵalystyń aýqymyna ie boldy. Sebebi barsha aýdanda, sondai-aq ortalyq memlekettik organdar deńgeiinde júzege asyrylyp keledi. Barlyq jerde jobalyq keńseler qurylyp, ár saladaǵy jemqorlyqqa tosqaýyl qoiylyp jatyr.
