Sybailas jemqorlyqqa qarsy qyzmetke kelip túsetin ótinishter jyl saiyn artyp keledi. Bul týraly QR Sybailas jemqorlyqqa qarsy is-qimyl agenttiginiń qujat ainalymy basqarmasynyń basshysy Nurlan Sadybekov málim etti, dep habarlaidy QazAqparat.
«Halyq únine qulaq asatyn memleket» tujyrymdamasyn iske asyrý aiasynda Agenttik halyqpen ózara is-qimyldy ashyqtyq, sondai-aq azamattardyń ótinishterine jedel jáne tiimdi den qoiý qaǵidattaryna negizdeýmen qamtamasyz etedi. Sybailas jemqorlyqqa qarsy qyzmette azamattardyń senimi qyzmettiń tiimdiligin baǵalaýdyń basty kriteriii bolyp sanalady. Biyldyń 2 aiynda sybailas jemqorlyqqa qarsy qyzmetke 1 676 ótinish kelip tústi, bul ótken jyldyń uqsas kezeńindegi (1 542) kórsetkishpen salystyrǵanda, 8 paiyzǵa kóp. Ortalyq apparatqa kelip túsken ótinishterdiń úlesi 30 paiyzdy quraidy. Ótinishter sanynyń ósýi halyqtyń quqyqtyq saýatynyń artýymen, sondai-aq azamattarmen keri bailanystyń turaqty túrde jetildirilýimen bailanysty dep sanaimyz», - dedi N. Sadybekov onlain brifingide.
Onyń aitýynsha, COVID-19 pandemiiasy jaǵdaiynda karantin shekteýleriniń engizilýine bailanysty, 2020 jylǵy naýryz aiynan bastap Sybailas jemqorlyqqa qarsy qyzmette azamattardy jeke máseleleri boiynsha qabyldaý shektelgen. Bul rette Agenttik basshylyǵy pandemiia jaǵdaiynda qaýipsizdikti saqtaý maqsatynda azamattardy qabyldaýdy beinekonferentsiia bailanysy arqyly júzege asyrady. Shalǵai jerlerde turatyn azamattar qashyqtan qosylady.
«2021 jyldyń 2 aiy ishinde Sybailas jemqorlyqqa qarsy qyzmettiń aýmaqtyq departamentterinde 258 qabyldaý ótkizilip, 374 azamat 312 másele boiynsha qabyldandy. Agenttiktiń basshy quramy 2021 jyldyń 2 aiy ishinde azamattarǵa 19 jeke qabyldaý ótkizdi», - dedi basqarma basshysy.
Ótinishterdi qabyldaýdyń dástúrli nysandarymen qatar, halyqpen ózara is-qimyl Agenttiktiń «Call-ortalyǵynyń» jumysy aiasynda jolǵa qoiyldy. Biyldyń basynan beri 1 424 Call-ortalyqqa 812 ótinish kelip tústi.
