سىبايلاس جەمقورلىققا قارسى قىزمەتكە كەلٸپ تٷسەتٸن ٶتٸنٸشتەر جىل سايىن ارتىپ كەلەدٸ. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸنٸڭ قۇجات اينالىمى باسقارماسىنىڭ باسشىسى نۇرلان سادىبەكوۆ مەلٸم ەتتٸ, دەپ حابارلايدى قازاقپارات.
«حالىق ٷنٸنە قۇلاق اساتىن مەملەكەت» تۇجىرىمداماسىن ٸسكە اسىرۋ اياسىندا اگەنتتٸك حالىقپەن ٶزارا ٸس-قيمىلدى اشىقتىق, سونداي-اق ازاماتتاردىڭ ٶتٸنٸشتەرٸنە جەدەل جەنە تيٸمدٸ دەن قويۋ قاعيداتتارىنا نەگٸزدەۋمەن قامتاماسىز ەتەدٸ. سىبايلاس جەمقورلىققا قارسى قىزمەتتە ازاماتتاردىڭ سەنٸمٸ قىزمەتتٸڭ تيٸمدٸلٸگٸن باعالاۋدىڭ باستى كريتەرييٸ بولىپ سانالادى. بيىلدىڭ 2 ايىندا سىبايلاس جەمقورلىققا قارسى قىزمەتكە 1 676 ٶتٸنٸش كەلٸپ تٷستٸ, بۇل ٶتكەن جىلدىڭ ۇقساس كەزەڭٸندەگٸ (1 542) كٶرسەتكٸشپەن سالىستىرعاندا, 8 پايىزعا كٶپ. ورتالىق اپپاراتقا كەلٸپ تٷسكەن ٶتٸنٸشتەردٸڭ ٷلەسٸ 30 پايىزدى قۇرايدى. ٶتٸنٸشتەر سانىنىڭ ٶسۋٸ حالىقتىڭ قۇقىقتىق ساۋاتىنىڭ ارتۋىمەن, سونداي-اق ازاماتتارمەن كەرٸ بايلانىستىڭ تۇراقتى تٷردە جەتٸلدٸرٸلۋٸمەن بايلانىستى دەپ سانايمىز», - دەدٸ ن. سادىبەكوۆ ونلاين بريفينگٸدە.
ونىڭ ايتۋىنشا, COVID-19 پاندەميياسى جاعدايىندا كارانتين شەكتەۋلەرٸنٸڭ ەنگٸزٸلۋٸنە بايلانىستى, 2020 جىلعى ناۋرىز ايىنان باستاپ سىبايلاس جەمقورلىققا قارسى قىزمەتتە ازاماتتاردى جەكە مەسەلەلەرٸ بويىنشا قابىلداۋ شەكتەلگەن. بۇل رەتتە اگەنتتٸك باسشىلىعى پاندەمييا جاعدايىندا قاۋٸپسٸزدٸكتٸ ساقتاۋ ماقساتىندا ازاماتتاردى قابىلداۋدى بەينەكونفەرەنتسييا بايلانىسى ارقىلى جٷزەگە اسىرادى. شالعاي جەرلەردە تۇراتىن ازاماتتار قاشىقتان قوسىلادى.
«2021 جىلدىڭ 2 ايى ٸشٸندە سىبايلاس جەمقورلىققا قارسى قىزمەتتٸڭ اۋماقتىق دەپارتامەنتتەرٸندە 258 قابىلداۋ ٶتكٸزٸلٸپ, 374 ازامات 312 مەسەلە بويىنشا قابىلداندى. اگەنتتٸكتٸڭ باسشى قۇرامى 2021 جىلدىڭ 2 ايى ٸشٸندە ازاماتتارعا 19 جەكە قابىلداۋ ٶتكٸزدٸ», - دەدٸ باسقارما باسشىسى.
ٶتٸنٸشتەردٸ قابىلداۋدىڭ دەستٷرلٸ نىساندارىمەن قاتار, حالىقپەن ٶزارا ٸس-قيمىل اگەنتتٸكتٸڭ «Call-ورتالىعىنىڭ» جۇمىسى اياسىندا جولعا قويىلدى. بيىلدىڭ باسىنان بەرٸ 1 424 Call-ورتالىققا 812 ٶتٸنٸش كەلٸپ تٷستٸ.
