Memlekettik hatshy Qyrymbek Kósherbaev QR Prezidenti janyndaǵy Sybailas jemqorlyqqa qarsy is-qimyl máseleleri jónindegi komissiianyń otyrysyn ótkizdi, dep habarlaidy Aqorda.
Memlekettik hatshy Qyrymbek Kósherbaevtyń tóraǵalyǵymen beinekonferentsiia bailanysy rejiminde Qazaqstan Respýblikasy Prezidentiniń janyndaǵy Sybailas jemqorlyqqa qarsy is-qimyl máseleleri jónindegi komissiianyń otyrysy ótti.
Otyrysta «Qazaqstan Respýblikasynyń 2015-2025 jyldarǵa arnalǵan sybailas jemqorlyqqa qarsy strategiiasyn iske asyrý barysy týraly» jáne Memleket basshysynyń tóraǵalyǵymen ótken 2020 jylǵy 19 tamyzdaǵy «Sybailas jemqorlyqqa qarsy is-qimyl jónindegi sharalar týraly» Keńestiń hattamasyn iske asyrý barysy týraly» máseleler qaraldy.
Jiyn barysynda Sybailas jemqorlyqqa qarsy is-qimyl agenttigi, Bilim jáne ǵylym ministrligi, Tsifrlyq damý, innovatsiialar jáne aeroǵarysh ónerkásibi ministrligi basshylarynyń baiandamalary tyńdaldy.
Qazaqstanda júrgizilip jatqan sybailas jemqorlyqqa qarsy reformalarǵa Transparency International uiymynyń oń baǵa bergeni atap ótildi. 2020 jyldyń qorytyndysy boiynsha sybailas jemqorlyqty qabyldaýdyń álemdik Indeksinde bizdiń elimiz 100-den 38 ball aldy, bul sońǵy jyldardaǵy eń úzdik nátije sanalady.
Sonymen birge Qazaqstan Respýblikasynyń 2025 jylǵa deiingi Ulttyq damý jospary jáne Qazaqstan Respýblikasynyń 2025 jylǵa deiingi Jalpyulttyq basymdyqtary boiynsha 2025 jylǵa qarai elimizde sybailas jemqorlyqty qabyldaý Indeksin 45 ballǵa jetkizý kózdelgendikten, osy baǵyttaǵy jumys qarqyny tómendemeýge tiis.
Birinshi másele boiynsha Qazaqstan Respýblikasy Tuńǵysh Prezidenti – Elbasynyń 2014 jylǵy jeltoqsandaǵy Jarlyǵymen bekitilgen Sybailas jemqorlyqqa qarsy strategiiany iske asyrý jónindegi 2018-2020 jyldarǵa arnalǵan is-sharalar josparynyń oryndalýyn aiaqtaý talqylandy.
Onyń aiasynda memlekettik qyzmet, qoǵamdyq baqylaý, kvazimemlekettik jáne jeke sektorlar, sot jáne quqyq qorǵaý júieleri sybailas jemqorlyqqa qarsy mádenietti damytý jáne halyqaralyq yntymaqtastyq salalaryndaǵy is-sharalar pysyqtaldy.
Bul rette 2015-2025 jyldarǵa arnalǵan sybailas jemqorlyqqa qarsy strategiiany iske asyrýdyń ekinshi besjyldyq kezeńine kóshý jáne 2021-2023 jyldarǵa arnalǵan ázirlenip jatqan jospardy sapaly oryndaý qajettigi aityldy.
Memleket basshysynyń 2020 jylǵy 19 tamyzdaǵy tapsyrmalary boiynsha jaýapty memlekettik organdar 26 tapsyrmanyń 17-siniń oryndalýy týraly baiandady. Kóptegen tapsyrmalar sybailas jemqorlyqqa qarsy birqatar bastamalarǵa muryndyq bolsa, olardyń keibireýleri iske asyryldy.
Osyǵan bailanysty, memlekettik organdarǵa sybailas jemqorlyq deńgeiin tómendetýge naqty áser etetin is júzinde qoldanylatyn sharalardy qabyldaýdy kózdei otyryp, baqylaýda turǵan tarmaqtardy sapaly oryndaýdy jalǵastyrý usynyldy.
Otyrys qorytyndysy boiynsha Qyrymbek Kósherbaev qaralǵan máseleler boiynsha naqty tapsyrmalar berdi, olardyń oryndalýy baqylaýǵa alyndy.
