Sybailas jemqorlyqqa qarsy is-qimyl agenttiginiń jumys isteý tásilderi ózgeredi. Bul týraly AntikorNews baǵdarlamasynda aityldy, dep habarlaidy QazAqparat.
Qazirgi ýaqytta Agenttikte tóraǵanyń tsifrlandyrý máseleleri boiynsha kómekshisi - CDO (Chief Data Officer) jańa laýazymy engizildi. Oǵan Aslan Qusaiynov taǵaiyndaldy.
«Meniń mindetteriniń negizgi aiasyna tsifrlyq innovatsiialardy engizý arqyly vedomstvo jumysynyń tiimdiligin arttyrý, Agenttiktiń tehnologiialyq strategiiasyn, korporativtik kommýnikatsiialarynyń qazirgi zamanǵy ortasyn ázirleý, onyń ishinde jedel-tergeý qyzmetinde boljamdy taldaýh quraldaryn engizý kiredi», - deidi Agenttik tóraǵasynyń tsifrlandyrý máseleleri boiynsha kómekshisi Aslan Qusaiynov.
Óz qyzmetiniń tiimdiligin arttyrý jáne azamattarmen kommýnikatsiialardy keńeitý maqsatynda Sybailas jemqorlyqqa qarsy qyzmet «Tsifrlyq sybailas jemqorlyqqa qarsy qyzmet» jobasyn ázirledi.
«Joba sheńberinde derekterdiń úlken kólemin taldaýǵa, kommýnikatsiialyq rásimderdi jeńildetýge jáne, eń bastysy, sybailas jemqorlyqty joiý máselesinde júieli jáne jedel sheshimder qabyldaý úshin boljamdy taldaýdy engizýge múmkindik beretin júieni engizý bastaldy», - deidi ol.
Joba «I-Krimkarta» avtomattandyrylǵan boljaý-taldaý júiesin engizýdi, tiimdi HR-tehnologiialardy, azamattardyń ótinishterin qaraýdyń avtomattandyrylǵan júiesin paidalanýdy jáne basqalardy qamtidy.
«Jobanyń ár modýli óz mindetteri men kúrdeli protsesteri bar derbes júie ekenin atap ótken jón. Mysaly, I-Krimkartanyń boljamdyq-taldamalyq aqparattyq júiesi modýli vedomstvolyq statistika, áleýmettik zertteýler, jasalǵan sybailas jemqorlyq faktileri boiynsha derekterdiń keń aýqymyn qamtityn, belgili bir óńirde sybailas jemqorlyq kórinisin kórneki kórsetetin tsifrlyq karta jasaýǵa baǵyttalǵan», - deidi Aslan Qusaiynov.
Onyń aitýynsha, interaktivti derekter bazasy árbir eldi meken boiynsha «bir ret basý» arqyly kriminogendik jaǵdaidy baǵalaýǵa múmkindik beredi.
«Osy jobany iske asyrý sheńberinde vedomstvolyq statistika men esepterdi qalyptastyrýdyń búkil protsesin avtomattandyrý josparlanýda. Bul adam faktoryn azaitýǵa, esepterdi daiyndaý ýaqytyn 10 táýlikten 5 minýtqa deiin qysqartýǵa jáne kriminogendik jaǵdaidy onlain rejimde baqylaýǵa múmkindik beredi», - deidi ol.
