Foto: BNews.kz
Memleket basshysynyń ókimimen Svetlana Qabykenqyzy Jaqypova Qazaqstan Respýblikasy Prezidenti janyndaǵy Halyqtyń áleýmettik jaǵynan osal sanattarynyń quqyqtary jónindegi ýákil laýazymyna taǵaiyndaldy, dep habarlaidy "Ult aqparat" Aqordanyń resmi saityna silteme jasap.
Svetlana Jaqypova 1968 jyly Qaraǵandy qalasynda dúniege kelgen.
1991 jyly Tselinograd Memlekettik pedagogikalyq institýtyn, 2006 jyly Almaty Ekonomika jáne statistika akademiiasyn támamdady.
1984 – 1986 jyldary Qaroi bastaýysh mektebinde uzartylǵan kún tobynyń tárbieshisi, bastaýysh synyptardyń muǵalimi bolyp jumys istedi.
1986 – 1991 jyldary – Tselinograd Memlekettik pedagogikalyq institýtynda bilim aldy.
1991 – 1995 jyldary - № 16 orta mektebinde, № 36 bastaýysh orta mektebinde matematika pániniń muǵalimi bolyp eńbek etti.
1997 – 1998 jyldary «Zeinetaqy tóleý jónindegi memlekettik ortalyq» RMKQ Aqmola qalalyq bólimshesi operatsiialyq esep júrgizý bóliminiń aǵa mamany, bas mamany boldy.
1998 – 2001 jyldary «Zeinetaqy tóleý jónindegi memlekettik ortalyq» RMKQ Aqmola (Astana) qalalyq filialynyń ekonomikalyq taldaý bóliminiń bas mamany, bastyǵy, filial direktorynyń orynbasary qyzmetin atqardy.
2001 – 2008 jyldary «Zeinetaqy tóleý jónindegi memlekettik ortalyq» RMKQ Aqmola oblystyq filialynyń direktory boldy.
2008 – 2011 jyldary Qazaqstan Respýblikasy Eńbek jáne halyqty áleýmettik qorǵaý ministrligi Áleýmettik qamsyzdandyrý jáne áleýmettik saqtandyrý departamenti direktorynyń mindetin atqarýshy, direktory qyzmetin atqardy.
2011 – 2013 jyldary – «Ulttyq aqparattyq tehnologiialar» AQ Jobalaý ofisi baǵdarlamalar basshysy laýazymynda eńbek etti.
2013 jylǵy 19 tamyzdan bastap 2014 jylǵy tamyzǵa deiin - Qazaqstan Respýblikasy Eńbek jáne halyqty áleýmettik qorǵaý vitse-ministri boldy.
2014 jylǵy tamyzdan bastap - Qazaqstan Respýblikasy Densaýlyq saqtaý jáne áleýmettik damý vitse-ministri bolyp taǵaiyndaldy.
2017-2019 jyldary Qazaqstan Respýblikasynyń Eńbek jáne halyqty áleýmettik qorǵaý vitse-ministri boldy.
«Qurmet» ordenimen marapattalǵan.
