Foto:gov.kz
Energetika ministrligi úsh óńirdegi avtogaz tapshylyǵyna qatysty túsinikteme berdi, dep habarlaidy Kazinform agenttigi.
«Qazaqstannyń ishki naryǵyna suiytylǵan munai gazyn jetkizý jospary aiasynda qarasha aiyna 133 867 tonna bólindi. Qazirgi tańda birqatar óńirde osy gazdy jetkizýde irkilis bar. Naqty aitsaq, Astana qalasy, Jambyl jáne Soltústik Qazaqstan obylstarynda baiqalyp otyr. Astana qalasynyń ai saiynǵy suiytylǵan gaz tutyný kólemi 8700 tonnadai bolady. Elordanyń ishki naryǵyna suiytylǵan gaz jetkizý jospary aiasynda «Pavlodar munai-himiia zaýyty» JShS men «SNPS-Aqtóbemunaigaz» AQ resýrstarynan qarasha aiyna 8512 tonna gaz bólindi.
7 qarashadaǵy jaǵdai boiynsha, Astanaǵa SNPS resýrstarynan – 396 tonna gaz keldi. Pavlodar munai-himiia zaýytynyń resýrstarynan 8 qarashaǵa deiin 216 tonna gaz ákelinedi. Sonymen birge 7-8 qarashada SPNS zaýytynan shamamen 1296 tonna gaz jóneltiledi. Ol gaz Astanaǵa 11 qarashaǵa deiin jetkiziledi», - dedi Energetika ministrligi Gaz ónerkásibi departamentiniń direktory Bahytjan Taýbaev.
Onyń sózinshe, Jambyl oblysyna qarasha aiyna Shymkent munai óńdeý zaýytynan 5218 tonna bólingen. 7 qarashadaǵy jaǵdai boiynsha, «PetroQazaqstan Oil Prodakts» JShS zaýytynan qazirdiń ózinde 1250 tonna jóneltilgen. Iaǵni, bul óńirde de tapshylyq osy gaz jetken kezde rettelýi kerek.
«Al Soltústik Qazaqstan oblysyna «SNPS-Aqtóbemunaigaz» zaýytynan qarasha aiyna 5706 tonna bólindi. 7 qarashadaǵy jaǵdai boiynsha. SNPS zaýytynan qazirdiń ózinde 1 477 tonna jóneltildi. Zaýyttardan suiytylǵan gaz táýlik boiy jóneltilip jatqanyn aitý kerek. Alaida zaýyttan dittegen jerge jetkenshe biraz ýaqyt ketedi. Tasymaldaý jumystary «QTJ»-nyń moinynda. Sondyqtan suiytylǵan gaz naryǵynda irkilis bar. Jaǵdai aldaǵy kúnderi turaqtalady», - dedi Bahytjan Taýbaev.
