Almatyda kópqabatty úidiń qabyrǵasynda koronavirýspen kúresip jatqan meditsina qyzmetkerleriniń beinesi paida boldy, dep habarlaidy "Ult aqparat".
Almaty qalasy ákimdiginiń baspasóz qyzmetiniń basshysy Áset Muqajanovtyń jazýynsha, mýral Qurmanǵazy Sháripov kósheleri qiylysyndaǵy úidiń qabyrǵasyna salyndy.
«Qalamyzdyń jas sýretshileri qaýipti indetpen kúresip júrgen bizdiń dárigerlerge arnap mýral saldy. Kún saiyn meditsina qyzmetkerleri óz bastaryn qaterge tigip, COVID-19-ǵa qarsy is-qimylda aldyńǵy shepte eńbek etip júr. Qaýipti indettiń beti qaityp, ómirimiz qalypty arnaǵa túskende, osy mýralǵa qarap, aq halatty abzal jandardy rizashylyqpen eske alamyz. Dárigerlerge bas iemiz! #AlmatyBirgemiz», - dedi Áset Muqajanov.
