Halyqaralyq naryqta munai barreliniń baǵasy sáýir aiynan beri alǵash ret 100 dollardan tómen tústi. Sarapshylar munai baǵasynyń quldilaý sebebin retsessiia jáne janar-jaǵarmaiǵa suranystyń tómendeitini jaily boljamdarmen túsindiredi, dep habarlaidy Azattyq.
Brent markali munaidyń barreli sársenbi kúni birden 3 paiyzǵa arzandap, 99 dollarǵa tústi. AQSh-ta óndiriletin munai 98 dollar 53 tsent boldy. Bir ai buryn munai barreli 120 dollar bolǵan.
Sarapshylar sózine súiengen New York Times basylymy AQSh ekonomikasy báseńdeidi degen boljam rastalsa, munai ári qarai da arzandai beredi dep jazady. Olar munai baǵasy retsessiia aýqymy men Qytaidaǵy energiia tasymaldaýshylar suranysyna bailanysty anyqtalatynyn aitady.
Bloomberg agenttiginiń jazýynsha, AQSh odaqtastarymen birge Reseiden importtalatyn munai baǵasyn 40 pen 60 dollar aralyǵynda shekteý sharasyn engizý máselesin talqylap jatyr. Ondaǵy maqsat – halyqaralyq tutynýshylardyń Resei munaiyna qoljetimdiligin saqtaý, bir mezette Máskeýdiń eksporttyq túsimin shekteý. Birqatar batys elderi Resei munaiynan bas tartqannan keiin Máskeý shikizatty iri jeńildikpen satyp alatyn Úndistan men Qytaiǵa munai eksportyn kúrt arttyrǵan. AQSh jańa usynys Pekin men Delige tiimdi bolady jáne olar jańa import erejesinen bas tartpaityn shyǵar dep úmittenedi.
Jańa erejelerdiń qashan qabyldanatyny belgisiz. Bloomberg jazýynsha, alda áli kedergiler kóp.
