Súndet toida jylqyǵa qatygezdik kórsetken Shymkent turǵyny jaýapqa tartyldy, dep habarlaidy "Ult aqparat" Polisia.kz Telegram-arnasyna silteme jasap.
Qalalyq politsiia departamentiniń qyzmetkerleri áleýmettik jelide monitoring júrgizý barysynda birneshe er adam oramalmen kózi bailanǵan atty baspaldaqtan tómen túsirmek bolǵan beinejazbany anyqtaǵan.
"Tekserý nátijesinde bul jait 8 qazanda Abai aýdanyndaǵy meiramhanalardyń birinde ótken "súndet toi" kezinde bolǵany anyqtaldy.
Tártip saqshylary jylqynyń iesine qatysty QR ÁQBtK-niń 407-1 baby "Janýarlarǵa qatygezdik kórsetý" boiynsha ákimshilik hattama toltyrdy" - delingen habarlamada.
Tártip saqshylary janýarlardy ustaý kezinde uryp-soǵýǵa, janýardy azaptaýǵa, onyń ishinde ashtyqqa, shóldeýge jáne janýardyń ólimine, jaraqattanýyna nemese densaýlyǵyna ózge de ziian keltirýge ákep soqtyrǵan nemese soqtyrýy múmkin basqa da zorlyq-zombylyqqa jol berilmeitinin eskertedi.
