Qaraǵandy oblysy Qarqaraly aýdanynda jaqynda ǵana 800 million teńgege jóndelgen jol qirap jatyr, - dep habarlaidy Tengrinews.kz agenttigi "Habar 24" telearnasyna silteme jasap.
Telearna málimetinshe, jergilikti turǵyndar oblystyq tasjoldyń jóndelýin 30 jylǵa jýyq kútken. Bir jarym jyl buryn 30 shaqyrym ýchaskede ortasha deńgeidegi jóndeý jumystary júrgizilgen. Biraq búginde bul jolda ár 50 metr saiyn tereń shuńqyrlar paida bolǵan.
Sumdyq. Aitarǵa sózimiz joq. Tasjoldyń sapasy óte nashar. Kólikter ádettegidei buzylady", - dedi Qasym Amanjolov aýylynyń turǵyny Jańabek Arapov.
"Sapa - nól! Eshqandai tehnologiia joq. Aýyr júk kólikteri tasjol tósegen kezde osyndai joldarmen júrdi. Ústinen jai ǵana avtogreidermen júrip ótti. Olar asfalt tósegen kezde shań boldy", - dedi aýyl turǵyny Asylan Jaqanov.
Aýdandyq bilik merdigerdi sotqa bergen.
"Jumystar qabyldanyp, jol paidalanýǵa berildi. Biraq jumys kezinde aqaýlar paida boldy, iaǵni shuńqyrlar paida boldy. Sot sheshimi boiynsha bul uiym biyl 1 maýsymda aqaýlardy joiý jumystaryna kirisýge mindetteldi", - dep málimdedi Qarqaraly aýdany ákiminiń orynbasary Didar Qabaev.
Merdiger joldy qaita óz esebinen jóndeýge májbúr bolady. Eske salaiyq, oblystyq tasjoldy qalpyna keltirýge biýdjetten 800 millionnan asa qarajat bólingen bolatyn.
