قاراعاندى وبلىسى قارقارالى اۋدانىندا جاقىندا عانا 800 ميلليون تەڭگەگە جٶندەلگەن جول قيراپ جاتىر, - دەپ حابارلايدى Tengrinews.kz اگەنتتٸگٸ "حابار 24" تەلەارناسىنا سٸلتەمە جاساپ.
تەلەارنا مەلٸمەتٸنشە, جەرگٸلٸكتٸ تۇرعىندار وبلىستىق تاسجولدىڭ جٶندەلۋٸن 30 جىلعا جۋىق كٷتكەن. بٸر جارىم جىل بۇرىن 30 شاقىرىم ۋچاسكەدە ورتاشا دەڭگەيدەگٸ جٶندەۋ جۇمىستارى جٷرگٸزٸلگەن. بٸراق بٷگٸندە بۇل جولدا ەر 50 مەتر سايىن تەرەڭ شۇڭقىرلار پايدا بولعان.
سۇمدىق. ايتارعا سٶزٸمٸز جوق. تاسجولدىڭ ساپاسى ٶتە ناشار. كٶلٸكتەر ەدەتتەگٸدەي بۇزىلادى", - دەدٸ قاسىم امانجولوۆ اۋىلىنىڭ تۇرعىنى جاڭابەك اراپوۆ.
"ساپا - نٶل! ەشقانداي تەحنولوگييا جوق. اۋىر جٷك كٶلٸكتەرٸ تاسجول تٶسەگەن كەزدە وسىنداي جولدارمەن جٷردٸ. ٷستٸنەن جاي عانا اۆتوگرەيدەرمەن جٷرٸپ ٶتتٸ. ولار اسفالت تٶسەگەن كەزدە شاڭ بولدى", - دەدٸ اۋىل تۇرعىنى اسىلان جاقانوۆ.
اۋداندىق بيلٸك مەردٸگەردٸ سوتقا بەرگەن.
"جۇمىستار قابىلدانىپ, جول پايدالانۋعا بەرٸلدٸ. بٸراق جۇمىس كەزٸندە اقاۋلار پايدا بولدى, ياعني شۇڭقىرلار پايدا بولدى. سوت شەشٸمٸ بويىنشا بۇل ۇيىم بيىل 1 ماۋسىمدا اقاۋلاردى جويۋ جۇمىستارىنا كٸرٸسۋگە مٸندەتتەلدٸ", - دەپ مەلٸمدەدٸ قارقارالى اۋدانى ەكٸمٸنٸڭ ورىنباسارى ديدار قاباەۆ.
مەردٸگەر جولدى قايتا ٶز ەسەبٸنەن جٶندەۋگە مەجبٷر بولادى. ەسكە سالايىق, وبلىستىق تاسجولدى قالپىنا كەلتٸرۋگە بيۋدجەتتەن 800 ميلليوننان اسا قاراجات بٶلٸنگەن بولاتىن.
