© Sputnik / Vladislav Vodnev
Vitse-premer, Caýda jáne integratsiia ministri Baqyt Sultanov azyq-túliktiń qymbattaýyna qatysty túsinikteme berdi, dep habarlaidy Sputnik Qazaqstan.
Aitýynsha, Qazaqstanda negizgi azyq-túlik taýarlary boiynsha tapshylyq joq. Tek taýardyń alty túri boiynsha importqa táýeldilik bar. Muny tómendetý úshin arnaiy baǵdarlama qolǵa alynǵan.
Ol syrtqy naryqta baǵa óskendikten, ishki naryqta da azyq-túlik qymbattaitynyn aitty.
"Mysaly, qant boiynsha bizde importqa táýeldilik bar. Qalasań da, qalamasań da qant baǵasy kóterile beredi. Óitkeni birjalyq baǵa búkil álemde ósip jatyr. Qantty biz Reseiden jetkizip kelgenimizdi bilesizder. Kórshi el taýar jetkizýdi shektegennen keiin, logistika da qymbatqa túsedi. Dollar da, eýro da ósip jatyr", - dedi Sultanov úkimet kýlýarynda.
Ol birqatar baǵyt boiynsha ÁKK jáne turaqtandyrý qorlary tarapynan jumys júrgiziletinin atap ótti. Birqatar taýar túri boiynsha ainalma shemalar arqyly turaqtandyrylady. Iaǵni jeliler qarjylandyrylady jáne baǵany ustap turý úshin aldyn ala forvardtyq kelisimsharttarmen qamtamasyz etiledi.
