28 qazan Alashtyń ardaqty azamaty, arysy Sultanmahmut Toraiǵyrdyń ómirge kelgen kúni. Týra 125 jyl bolypty! Birde-bir arna, radio iaki sait jazyp jatqan joq. Esesine komsomoldardy dáriptep álek.
Qazaqtyń qyrylýyna qatysy bar qurylymdy maqtap, madaqtap, záýlim sarailarda kontsert qoiyp, júzdegen myńǵa bilbordtar ilgen shaldar, Sultanmahmut degen aqynnyń baryn bile me eken ózi. Qazaqtyń qasapshylary Stalin men Lenindi dáripteitin olar, Alashtyń arystaryn bile qoimas...
1893 jyly, 28 qazanda dúnie esigin ashyp, bar-joǵy 27 jyl ǵumyr keshken aqyn "Qazaq" dep shyryldap ótken edi. 27 jasynda óshpes iz ben ólmes ósiet qaldyrdy. Al Táýelsizdigine 27 jyl bolǵan biz ne istedik? Osy arystardyń ósietin oryndai aldyq pa? Sultanmahmut urany bolǵan "Alashty" tirilttik pe?! Joq, qazaqty qynadai qyrǵan kommýnizmdi aiyptaýdyń, ony tarihtyń tozaǵyna jiberýdiń ornyna, toiyn toilap júrmiz...Biraq ýaqyt ótedi. Keshegi kommýnizm ustahanasynan shyqqandar tabiǵi zańdylyqpen ǵaiyp bolyp, urpaq aýysqan sátte, Alash arystarynyń jyryn jatqa oqyp, jarysatyn jańa, azat qazaqtyń kelerine men senemin. Olar "Uranǵa "Alash" degen atty alatyn bolady.
Men – qazaq, qazaqpyn dep maqtanamyn,
Uranǵa Alash degen atty alamyn.
Súigenim qazaq ómiri, ózim qazaq,
Men nege qazaqtyqtan saqtanamyn?
Ashat Qasenǵalidiń feisbýktaǵy jazbasynan
