28 قازان الاشتىڭ ارداقتى ازاماتى, ارىسى سۇلتانماحمۇت تورايعىردىڭ ٶمٸرگە كەلگەن كٷنٸ. تۋرا 125 جىل بولىپتى! بٸردە-بٸر ارنا, راديو ياكي سايت جازىپ جاتقان جوق. ەسەسٸنە كومسومولداردى دەرٸپتەپ ەلەك.
قازاقتىڭ قىرىلۋىنا قاتىسى بار قۇرىلىمدى ماقتاپ, ماداقتاپ, زەۋلٸم سارايلاردا كونتسەرت قويىپ, جٷزدەگەن مىڭعا بيلبوردتار ٸلگەن شالدار, سۇلتانماحمۇت دەگەن اقىننىڭ بارىن بٸلە مە ەكەن ٶزٸ. قازاقتىڭ قاساپشىلارى ستالين مەن لەنيندٸ دەرٸپتەيتٸن ولار, الاشتىڭ ارىستارىن بٸلە قويماس...
1893 جىلى, 28 قازاندا دٷنيە ەسٸگٸن اشىپ, بار-جوعى 27 جىل عۇمىر كەشكەن اقىن "قازاق" دەپ شىرىلداپ ٶتكەن ەدٸ. 27 جاسىندا ٶشپەس ٸز بەن ٶلمەس ٶسيەت قالدىردى. ال تەۋەلسٸزدٸگٸنە 27 جىل بولعان بٸز نە ٸستەدٸك? وسى ارىستاردىڭ ٶسيەتٸن ورىنداي الدىق پا? سۇلتانماحمۇت ۇرانى بولعان "الاشتى" تٸرٸلتتٸك پە?! جوق, قازاقتى قىناداي قىرعان كوممۋنيزمدٸ ايىپتاۋدىڭ, ونى تاريحتىڭ توزاعىنا جٸبەرۋدٸڭ ورنىنا, تويىن تويلاپ جٷرمٸز...بٸراق ۋاقىت ٶتەدٸ. كەشەگٸ كوممۋنيزم ۇستاحاناسىنان شىققاندار تابيعي زاڭدىلىقپەن عايىپ بولىپ, ۇرپاق اۋىسقان سەتتە, الاش ارىستارىنىڭ جىرىن جاتقا وقىپ, جارىساتىن جاڭا, ازات قازاقتىڭ كەلەرٸنە مەن سەنەمٸن. ولار "ۇرانعا "الاش" دەگەن اتتى الاتىن بولادى.
مەن – قازاق, قازاقپىن دەپ ماقتانامىن,
ۇرانعا الاش دەگەن اتتى الامىن.
سٷيگەنٸم قازاق ٶمٸرٸ, ٶزٸم قازاق,
مەن نەگە قازاقتىقتان ساقتانامىن?
اسحات قاسەنعاليدٸڭ فەيسبۋكتاعى جازباسىنان
