Memleket basshysy Qasym-Jomart Toqaev 16 naýryzdaǵy Qazaqstan halqyna arnalǵan Joldaýynda elimizdiń saiasi júiesiniń keshendi jańǵyrý baǵdarlamasyn usyndy.
Baǵdarlama qoǵam qajettiligi men suranysyna bailanysty negizdelgenin de erekshe atap ótti. Baǵdarlamanyń birinshi baǵytynda Prezident ókilettigin qysqarta otyryp, ókildik bilik tarmaǵyn, iaǵni Parlament rólin nyǵaitý joldaryn jan-jaqty taldap, naqtylap kórsetti.
Sailaý júiesin jetildirý – azamattardyń memlekettiń basqarý isindegi rólin arttyrý úshin baǵytalǵandyǵy týraly da baiandaldy. Majoritarlyq sailaý arqyly árbir azamat Parlament, máslihat depýtattyǵyna sailana alady.
Parasatty halqy bar elimiz – qýatty memlekettiń negizi dep qaǵidany usynǵan Prezident on shaqty keshendi reformanyń erekshelikteri men baǵyttaryna jeke-jeke toqtaldy.
Halqymyzdy aýyzbirshilik pen aqyl-sabyrǵa shaqyryp, bizdiń negizgi maqsatymyz – Jańa Qazaqstan qurý ekenin atap kórsetti. Ol óz tarapynan memleket pen qoǵamnyń ózara senimine jáne qurmetine negizdelgen jańa saiasi mádenietti qalyptastyratyna senim bildirý degen tujyrym jasady.
Joldaý elimizdiń áleýmettik ádilettik, básekege qabiletti basymdyqtarǵa negizdelgen, damýdyń jańa qaǵidattary jónindegi is-qimyldyń keshendi strategiiasyn belgiledi. Onda kóppartiialyqty saiasi básekelestikti, oi-pikirdiń san-alýandylyǵyn damytýǵa yqpal etetin aýqymdy mindetter qoiyldy. Partiialar sany kóbeietini sózsiz. Sebebi jańa partiia qurý úshin, tirkeý sany 20 myńnan 5 myńǵa deiin azaityldy.
Ulttyq quryltai, Joǵarǵy aýditorlyq palata, Konstitýtsiialyq sottyń qurylýy jáne jańa úsh oblystyń ashylýy, halyqtyń qajettiligin tez arada sheshetin «Halyq únine qulaq asatyn memleket» tujyrymdasatyn damytýǵa baǵyttylǵan saiasi reformalardyń jalǵasy bolyp tabylady.
Reformalardy júzege asyrý barysynda Konstitýtsiianyń 30-dan astam babyna, 7 konstitýtsiialyq zańǵa jáne 15 asa zańǵa ózgeris engizý kózdelip otyr.
Memleket basshysynyń bastamalaryn tolyq qoldai otyryp, joldaýdaǵy mindetterdi oryndaý úshin, toptasýǵa jáne halqy myqty, qýatty, gúldengen – Jańa Qazaqstandy birge qurýǵa shaqyramyn.
Jańa Qazaqstandy birge quraiyq!
Sultanbek MÁKEJANOV,
Parlament Senatynyń depýtaty
