2017 jylǵy 4 aidyń qorytyndysy boiynsha ekonomikanyń kóptegen salasynda qarqyndy ósim baiqalady. Óndirýshi, óńdeý, qurylys, qyzmet kórsetý salalarynda oń serpin bar. Al 1 mamyrdaǵy derekke sáikes, memlekettiń qaryzy 12,3 trln teńgeni qurady. Kórsetkish qaýipsiz deńgeide. Bul týraly Úkimet otyrysynda Ulttyq ekonomika ministri Timýr Súleimenov málimdedi, dep habarlaidy "Ult aqparat" Baq.kz portalyna silteme jasap.
«Osy jyldyń 4 aiyndaǵy statistikany pozitivti dep aitýǵa bolady. Derekter boiynsha qańtar-sáýirde JIÓ ósimi 1-toqsandaǵy 3,0%-dan 3,7%-ǵa deiin jedeldedi. Óndirý salasy 7,8%-ǵa jáne óńdeý ónerkásibi 6,8%-ǵa, qurylys salasy 6,1%-ǵa, qyzmet kórsetý salasy 1,9%-ǵa ósti», - dedi ol.
Sonymen qatar ministr jaqsy nátije kórsetken salalarǵa toqtaldy.
«Taý-ken óndirý ónerkásibi salalarynyń ishinde kómir jáne lignit 18,9%-ǵa, munai 7,6%-ǵa, tabiǵi gaz óndirisi 13,2%-ǵa óskeni baiqalady. Munai óńdeý (9,1%-ǵa ósý), farmatsevtikalyq ónimder (49,7%-ǵa), beimetaldyq minaraldy ónimder (5,0%-ǵa) metallýrgiia ónimderi (8,2%-ǵa) jáne mashina jasaý ónimderi (3,3%-ǵa) siiaqty óńdeýdiń negizgi segmentterinde de oń kórsetkish tirkeldi.
Aýyl sharýashylyǵynyń jalpy ónim óndirisiniń kólemi ózgermei, 2,9% deńgeiinde saqtaldy. Al azyq-túlik óndirisi 5,7%-ǵa joǵarylady, sýsyn óndirisiniń ósýi 2,6%-dy qurady. Kólik jáne qoimalaý qyzmetterin kórsetý 3,5 paiyzǵa ósti. Bul rette júk ainalymy 5,9 paiyzǵa, jolaýshy ainalymy 3,2 paiyzǵa ulǵaidy», - dedi basshy.
Alaida keibir óndiris salalarynda kórsetkish tómendegen eken.
«Bul rette himiia ónerkásibinde óndiristiń azaiǵany baiqalady. Himiia ónimderiniń óndirisi 0,7%-ǵa tómendedi. Birinshi toqsanmen salystyrǵanda quldyraý aýqymdylyǵynyń (-1,2%-ǵa) qysqarǵanyn atap ótken jón. Jalpy, 4 aidyń qorytyndysy boiynsha ekonomikanyń kóptegen salasynda qarqyndy ósim bar», - dedi ol.
Sondai-aq, Ulttyq ekonomika ministri memlekettiń qaryzy jóninde statistikalyq derekterdi keltirdi.
«2017 jyldyń 1 mamyryna deiingi aqparatqa sáikes memlekettiń qaryzy 12,3 trln teńgeni nemese JIÓ-niń 24,6%-yn quraidy. Kórsetkish qaýipsiz ári basqarylatyn deńgeide. Osy jaǵdaidy eskere kele, Elbasy joldaýynda kórsetilgen makroekonomikalyq turaqtylyqty saqtaý mindeti oryndalýda», - dep túiindedi sózin Timýr Súleimenov.
