Biyl elimizde 70 mektep pen balabaqsha paidalanýǵa beriledi. Bul týraly búgin Úkimette «Nurly jol» memlekettik baǵdarlamasynyń 2017 jyldyń I jartyjyldyǵynda iske asyrylýynyń negizgi qorytyndysyn talqylaý barysynda QR Ulttyq ekonomika ministri Timýr Súleimenov málim etti, dep habarlaidy "Ult aqparat" QazAqparat agenttigine silteme jasap.
«2017 jyly Ulttyq qor qarajaty esebinen 109 mektepti, onyń ishinde 53 aýyspaly 56 jańa bilim ordasyn salý úshin 71,7 mlrd teńge kózdelgen. Jyl sońyna deiin 70 nysandy paidalanýǵa berý josparlanyp otyr. Aǵymdaǵy jylǵy 1 shildedegi jaǵdai boiynsha jergilikti biýdjetke 30,4 mlrd teńge aýdarylyp, tolyq kólemde igerildi», - dedi ministr.
Onyń aitýynsha, qazirgi ýaqytta 1150 orynǵa arnalǵan 3 mektep Jambyl, Qaraǵandy jáne Ońtústik Qazaqstan oblystarynda, sondai-aq 2 balabaqsha Mańǵystaý oblysy men ShQO paidalanýǵa berilgen.
«Jalpy 70 nysandy paidalanýǵa berý josparynan tek 5 nysan ǵana daiyn. Bul ne bári 8 paiyzdy quraidy. Osyǵan bailanysty jergilikti atqarýshy organdar barlyq 70 nysannyń qurylysyn baqylaýǵa alyp, paidalanýǵa berilýin qamtamasyz etýi tiis», - dedi Timýr Súleimenov.
