Burynǵy bilim vitse-ministri Elmira Sýhanberdievanyń ulynyń qazasynyń mán-jaiy belgili boldy, dep habarlaidy Sputnik agenttigi.
Qaiǵyly oqiǵa beisenbi Ile aýdanyndaǵy Ótegen batyr aýylynda bolǵan. Saǵat 22:10 kezinde Almaty oblysy boiynsha tótenshe jaǵdailar departamentiniń kezekshilik bólimine úidiń aýlasyndaǵy basseinge kishkentai balanyń batyp ketkeni týraly habarlama tústi.
"Oqiǵa ornyna kelgen Ile aýdany tótenshe jaǵdailar bóliminiń qyzmetkerleri úlkenderdiń qaraýynsyz qalǵan 2015 jyly týǵan balanyń úidiń mańyndaǵy basseinge qulap, batyp ketkenin anyqtady", - dep habarlady oblystyq tótenshe jaǵdailar departamentiniń baspasóz qyzmeti.
Aita keteiik, búgin Elmira Sýhanberdievanyń áriptesteri men blogerler burynǵy bilim vitse-ministriniń kenje uly kóz jumǵanyn, onyń basseinge batyp ketkenin habarlaǵan edi.
Sýhanberdievanyń eki úlken qyzy (26 jáne 17 jas) jáne taǵy bir 7 jasar uly bar. Eki apta buryn burynǵy vitse-ministrdiń ústinen qozǵalǵan is boiynsha sot ótip, ony eshqaida ketpeý týraly qolhatpen bosatqan bolatyn.
